08:28 / 03.04.2020
10221
Хитойда коронавирус қурбонлари хотирасига мотам куни эълон қилинди

Хитой ҳукумати коронавирус қурбонлари хотирасига 4 апрелни мотам куни деб эълон қилди. Ушбу кун мамлакатда барча байроқлар тушириб қўйилади, барча кўнгилочар тадбирлар бекор қилинади.

Фото: REUTERS/Carlos Garcia Rawlins

Бу ҳақда Xinhua ахборот агентлиги хабар берди. Шунингдек, Хитойдаги хорижий элчихоналар ва консулхоналарда ҳам байроқлар тушириб қўйилади. 

Маҳаллий вақт билан соат 10да мамлакат бўйлаб 3 дақиқалик сукут сақлаш бўлиб ўтади. Бундан ташқари, қурбонлар хотирасига автомобиллар, поездлар, кемалар гудоклари ва ҳаво ҳужумига қарши мудофаа сигнализацияси янграйди.

Хитойнинг соғлиқни сақлаш миллий комиссиясида маълум қилинишича, мамлакатда ҳаммаси бўлиб 81620 киши коронавирусга чалинган, улардан 3322 киши вафот этган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top