Sport faoliyati bakalavriat ta'lim yo‘nalishida o‘qish muddati 3 yil etib belgilandi

Sport sohasida oliy ma'lumotli mutaxassislar tayyorlash jarayonini optimallashtirish nazarda tutilmoqda.

“2020/2021 o‘quv yilida O‘zbekiston Respublikasining oliy ta'lim muassasalariga o‘qishga qabul qilishning davlat buyurtmasi parametrlari to‘g‘risida”gi prezident qarori qabul qilindi.

Oliy va o‘rta maxsus ta'lim vazirligi xabariga ko‘ra, prezident qarori bilan “Sport faoliyati (faoliyat turlari bo‘yicha)” bakalavriat ta'lim yo‘nalishi bo‘yicha o‘qish muddati uch yil etib belgilandi.

Qayd etilishicha, bu sport sohasida oliy ma'lumotli mutaxassislar tayyorlash jarayonini optimallashtirish maqsadida amalga oshirildi.