Respublika maxsus komissiyasi qaroriga köra, 10 iyuldan 1 avgustgaça Özbekistonda avtomobil harakatini çeklaş, viloyatlararo avtotransport qatnovlarini taqiqlaş e'lon qilingan edi.

Unga köra avtotransport vositalari harakatlanişiga maxsus ruxsatnomalar talab etilmaydigan holatlar röyxati tasdiqlandi.

Mazkur röyxatga quyidagilar kiritilgan:

  1. Soğliqni saqlaş tizimidagi hamda xususiy tibbiyot taşkilotlari, tibbiy-sanitariya va epidemiologik xizmatlar körsatuvçi taşkilotlarning xizmat va xodimlarining şaxsiy avtotransport vositalari.
  2. Farmatsevtika mahsulotlari (dori vositalari va tibbiy buyumlar) işlab çiqaruvçi taşkilotlarning xizmat avtotransport vositalari.
  3. Fuqarolarga keçiktirib bölmaydigan tez tibbiy yordam körsatiş (homiladorlik, tuğruq, tana jarohati, OIV/OITS, onkologik yordam, nurlaniş terapiyasi, gemodializ yordamini körsatiş, jarrohlik amaliyoti zarur bölganda, inson hayotiga xavf tuğdirayotgan boşqa holatlar) bilan boğliq hollarda tibbiyot muassasasiga borayotgan va undan qaytayotgan şaxsiy avtotransport vositalari.
  4. Yölovçi taşiş faoliyati bilan şuğullaniş litsenziyasiga
    ega bölgan yönalişsiz taksilarga. Bunda:
  • yölovçi taşiş uçun avtotransport vositasi salonida haydovçi örindiği yölovçilar örindiğidan şaffof plastik yoki maxsus plyonka bilan tösilgan bölişi kerak;
  • haydovçi va yölovçi tibbiy niqobda bölişi (tibbiy niqobsiz yölovçini taşiş taqiqlanadi) lozim;
  • yölovçilarni avtotransport vositasi saloni orqa örindiğiga ötkazilişi hamda faqat öz (avtotransport vositasi davlat röyxatidan ötkazilgan) hududida harakatlanişi şart.
  1. Yetkazib beriş xizmati (keytering) taşkilotlarining avtotransport vositalari.
  2. Kommunal xizmat körsatuvçi taşkilotlar – gaz, elektr energiyasi, issiqlik ta'minoti, sovuq suv, suv oqava va çiqindi taşişning maxsus avtotransport vositalari.