Tartibsizlik, mavhumlik va janjallar. Karantin kundaligi
|00:28 / 14.07.202077 20722 min
26 iyun kuni Nyu-Yorkdan charter reys orqali kelgan va Toşkent viloyatidagi Örtasaroy karantin markaziga joylaştirilgan özbekistonlik N.Darveşev tvitterdagi sahifasida karantindagi kunlarini hikoya qildi.
«Karantin zonada har kimning tajribasi har xil bölgan bölişi mumkin. Çunki, mening nazarimda, umumiy tartib, yöriqnomalar yöq. Quyida mening tajribam keltirilgan», deya yozadi u.
Birinçi kun
Camolyot yerga qönişi bilan tartibsizlik, mavhumlik boşlandi. Heç kim nima qilişimiz kerakligini, bizni nima kutayotganini aytmadi, karantin zonasiga joylaşiş jarayoni böyiça tuşuntiriş bermadi.
Samolyotga oq «skafandr»dagilar çiqib, pasportlarni yiğib olib, keyin ötirib kutib turinglar, deb iltimos qildi. Şunga qaramay, hamma sekin-asta örnidan turib, çiqişni boşladi. Taşqarida esa bizni avtobuslar, turli xodimlar va tartibsizlik kutardi.
Oramizda qança odam mehmonxonaga joylaşişni reja qilib kelgandi. Şu bois hammamiz közimizga köringan xodimdan qanday qilib mehmonxonaga joylaşsa böladi, deb söray boşladik. Tabiiyki, bu savolning javobini heç kim bilmasdi.
Bagajlarimiz nima bölişi haqida ham heç kim tayinli gap aytmadi. Avtobus liq töla. Kimdir maskasini yeçib taşlagan, kimdir şofyordan eşikni oçişini, çekişga çiqmoqçiligini söragan, kimdir qaçon yurişimizni, bagajni kutamizmi-yöqmi, şunga qiziqqan.
Şunday qilib, pastdagi tartibsizlikdan yölovçilar ham tartibsizlaşgan. Avtobus haydovçisi savollar köpligi, javob bera olmasligidan oxiri eşiklarni yopib tuşib ketdi. Avtobusda bir soatdan köproq ötirdik. Orada kimdir çiqib, avtobusdagilarni naq tört marta sanab ketdi.
Birozdan keyin avtobusimizdagi bir xola janjal kötara boşladi. Va nihoyat, yana yarim soatlar ötib, avtobus yurdi. Xursand bölgandik, u esa bizni sal nariga olib borib, kolonna taşkillaştiriş uçun töxtagan ekan. Yana yarim soatlardan söng karantin zonasi tomon yöl oldik.
Eski ToşMIga yaqinlaşganimizda avtobus yana töxtadi. Yarim soatça turdik şu yerda. Sababini bilmaymiz. Uzun-quloq gaplarga qaraganda, bir-ikkita pasport yetişmayotgan ekan. Orada odamlar haydovçidan eşikni oçişini talab qilib, kimdir nafas oliş uçun, kimdir çekişga taşqariga çiqdi.
Karantin zonasiga yetib keldik. U yerda köp töxtalmadik. Blok va qatorlar tayyor, bizni kutyapti. Lekin konteynerlarga joylaşiş tartibi yöq. Har kim öz-öziça konteynerlarga joylaşib olyapti. Kimlardir siğmay, boşqa konteynerga möralagan.
Biz ham tört kişi bölib birga turamiz, deb kelişdik. Avtobusdan tuşib konteynerga joylaşmoqçi edik, qatorda odam köpayib ketdi, kuting deyişdi. Eşik oldi liq tölgan. Avtobusda orqadagilar ham xuddi nimadandir quruq qolayotgandek tiqilib kelgan. Bir oyoqda zörğa turibmiz.
Mavzuga oid
Konteynerlarga joylaşişni heç kim nazorat qilmayapti. Hamma istalganiga joylaşyapti. Biz ham bittasini topib, joylaşdik. Endi, men bitta konteynerda tört odam desam, bir konteynerni ikkiga bölişgan ekan. Yarim konteynerda, 2,5ga 6 metr joyga 4 odam ekan. Allo, masofa saqlaş?!
«Şaroitlar»ni körib lol qolgan vatandoşlar janjal kötarib taşqariga çiqişdi. «Mehmonxonaga olib ket bizni», deb talab qila boşladik. Gapirayotgan odamlarimiz, vaholanki, oddiy personal ekan. Kattalardan, taşkillaştiruvçilardan heç kim yöq. Dardingni kimga aytasan?
Baqir-çaqir, janjallardan söng bir soatlardan keyin kimdir keldi va mehmonxonalar hali tayyorgarlik körib ulgurmagani va bor variantlarda 14 kun joylaşiş 1,5 ming dollarga aylanişini aytdi. Ovozimiz öçdi. Yuzinçi marta «Iltimos, içkariga kiringlar», degan gapdan keyin içkariga kirdik.
Konteyner içida sanitariya holati juda rasvo. Hojatxona, duşlari kir va sarğayib ketgan. «Tozalab beringlar» desak, «Bizga içkariga kiriş taqiqlangan», dedi. «Latta, dezinfeksiya vositalari beringlar, özimiz tozalaymiz», dedik. Xodimlari «xöp, xöp»dan nari öta olmadi.
Karantin zonasida heç kim bizga tuşuntiriş bergani yöq. Hamma öz bilganiça, tuşunganiça yuribdi. Oqibatda tinmay tanbeh eşitamiz. Ovoz kuçaytirgiçdan ora-sira karantin zonasida tartib-qoidani buzganlarga çora körilişi haqida axborot yangrab turadi.
Bizni tinçlantiriş uçun tahdidlar ham qilib körişdi. Qaysidir xodim: «Bunday janjal qilaversanglar, karantin 18-20 kunga çözilib ketadi, bu yerda heç qanday haqqingiz ham, huquqingiz ham yöq», dedi. Bizni noşukrlikda ayblaganlari ham böldi.
«Ism-familiyang kim, qanday lavozimdasan, bu yer katta xolangning zonasimas, bu yer bizning pulga qurilgan», degan javoblardan keyin biz emas, ular tinçidi. Aslida ularni ham ayblaş noörin. Ular ham biz bilan bir, teng kelgan. Ularga ham heç kim yöl-yöriq körsatmagan.
Tasavvur qiling, 100dan ziyod odam uç nafar xodimni bir vaqtning özida «suv qani?», «soçiq qani?», «test qaçon?», «bagaj qaçon keladi?», «arzonroq mehmonxona topib bering», «bu yerdan mehmonxonaga keyinçalik çiqib ketsa böladimi?», «u-mi, bu-mi?» kabi savollar bilan kömib yotibdi.
Ikkinçi kun
Keça tört kişiga beş litrlik katta idişda berilgan suv tugagan. Uydagilarga yaxşi ham 10 litrlik idişda uç-törtta suv oldirib keltirganmiz. Bagajlarimizni hali ham berişmadi. Konteynerdan kimdir: «Darvoza oldida yotibdi bagajlar», degandi. Haqiqatan ham öşa yoqda ekan, yiğib, olib keldik.
Ikkita bagajimga sirtidan qulf urganman, uçinçisining zamogi oçiq. Içini tekşirdim – hammasi joyida. Bagajlarni olib qaytayotganimizda qöşni konteynerdan bir boboy möralab, uçinçi yo törtinçi xodimga qarab, böş 5 litrlik idişni kötarib, «suv beringlar», deb baqirib turardi. Şu kuni suv berilmadi.
Qöşnimizning konteyneridagi telefoni işlamayotgan ekan. Buvi: «Bolalarimga men keldim deb aytişim kerak-ku», deb aytayotgandi. Telefonimizni dezinfeksiyalab berdim. Qaytarib olgaç ham yaxşilab dezinfeksiyaladim. Karantinning oxirgi kuni şu ayolni testga natijasi şubhali deb olib ketişdi.
Joylaşişimizni heç kim yozib olmagandi. Har safar: «Bu yerda neça kişi?», deb kelib sörayverganiga, qoğozga ism-familiyalarimizni yozib, taşqariga osib qöydik. Termometrning batareykasi «ölib» qolibdi. Batareyka berişmagan ekan. Keçasi 21:00larda kelib, haroratni ölçab ketişdi.
Uçinçi kun
Kir yuviş uçun sanuzeldan foydalaniş kerak ekan. Suyuq sovun bor, lekin kiyimlarni osişga heç nima yöq. Uydan tozalaş vositalari buyurtma qilgandim, keçqurun yetib keldi. Niqoblar va bir yöla yana ikkita katta idişda suv ham oldirdim. Şvabrani postdan ötkazmabdi.
Postdan köp narsani ötkazmas ekan. Sarson bölib postga olib kelmaguningça, nima mumkin-u, nima mumkin emasligini bilmaysan. Ovqatni ham ötkazmas ekan, çunki posilkalar yiğilmaguniça, ular şu issiqda postda 4-5 soatlab turarkan. Post kir yuviş kukunini ötkazmabdi, lekin kir yoyiş uçun ip ötibdi.
Test oliş uçun laboratoriyadagilar hali kelmagan deyişgandi, keçqurun «skafandr» kiygan tört-beş xodim kelib, test olib ketdi. «Test qayerniki?» degan savolimga, «bilmaymiz», deyişdi. Testi sifatsizdek körindi, rasmlarda körganimdek uzun emas. Şişalari ham sifatsizdek.
Test natijasi ikki-uç kunda ma'lum bölarkan. Test javobini faqat ijobiy natija bölgandagina bilarkanmiz; javob musbat bölsa, «tez yordam» kelib, darrov kasalxonaga olib ketarkan, xonada qolganlarning karantin muddati esa yana 14 kunga çözilarkan. Negadir işonmadim.
Törtinçi kun
Tonggi 4:00da konteynerlar orasidagi yölakka yugurişga çiqdim. Boşqa konteynerdan tört-beş kişi eşiklaridan möralab çiqişdi. Katalakdek joyda siqilib ketarkansiz, içkaridagi 2x4 metr oraliqda yuguriş bölmadi. Boş aylanib ketardi.
Ovqatlaridan nolişni noşukrlik desam böladi. Vaqtida beryapti. Tuşlikka oş berildi. Ortib qolganini qöşimça qilib ham berişdi. Tuşdan söng çoy bilan bir qutidan «toplyonoye moloko» peçenesi tarqatişdi. Haroratni tekşiradigan hamşira opa juda xuşmuomala.
Beşinçi kun
Konteynerimizdagilar bilan tungi soat 3:00da navbatma-navbat taşqaridagi yölakçaga yugurişga çiqdik. Tuşgaça uxlaşni rejalaştirdik. Tunda sovuq tuşgan. Peşinda 10 litrdan suv tarqatişdi. Şaroitlarga könikyapmiz.
Oltinçi kun
Tongda mendan taşqari yana beş nafar odam yugurişga, yurişga çiqdi. Soat 7:00larda haroratimizni ölçab ketdi. Keçqurun haroratim 36,8 darajani körsatdi. Testlarimizning natijasi çiqqan, lekin javobini bilmaymiz. Içimizda halovat yöq. Mavhumlik va kutişdan yomoni yöq.
Şu orada xonadoşlarimizdan birining mazasi sal qoçgandek. Uning burni bitgandek, qolgan hammamizning tomoğimiz biroz xirillagan. Qizib ketgan konteynerni sovutiş uçun konditsionerni past haroratga qöyganmiz – hammasini şundan köryapmiz. Haroratni endi kuniga ikki marta ölçaşyapti.
Qöşni konteynerdagilar bugun oçlik e'lon kilib, içkaridan qulflab olişibdi. Baqir-çaqir eşitilyapti. Karantinga olinganiga 20 kundan oşibdi. Ularning orasidan kasallangan çiqqan, u hatto davolanib çiqib ham ketibdi, lekin bularni kasallikka şubha bor deb uşlab turişgan ekan.
Yettinçi kun
Iloji bölsa, konteynerga özingiz muloqot qilganlar bilan birga tuşişga harakat qiling. Ba'zilar sal beparvo edi – boşqa konteynerdagilar bilan sigaret, u-bu narsa almaşgan. Xatosini tan olgisi kelmaydi. «Kemaga tuşganning joni bir» kabi gaplar bilan özini oqlaydi.
Aytsangiz, «aql örgatma!» deganday yoşini rökaç qiladi. Asta-sekin hamma bir-biriga yoqmay boşlayapti. Misol uçun, kimdir yarim tunda ham baland ovozda kino köradi – TVning ovozini baland qöyib, uxlab qolgan. Telefon olib ötganlar esa yarim tunda Amerika bilan gaplaşyapti.
Test natijalari böyiça heç kimni olib ketişmabdi. Menimça, alomatlari yaqqol körinmagunça alohida ajratişmaydi. Bu yaxşi emas. Tört kişining birida virus aniqlansa va uni darrov ajratib olişmasa, katalakdek kiçik bu joyda qolgan uç odam ham virusni yuqtirişi aniq.
Şu kunlarda Örtasaroyga olib kelingan vraç virusdan olamdan ötgani haqidagi xabarlar tarqaldi. Endi vraçki şu yerda tört kunmikan qarovsiz yotgan bölsa, karantinga joylaştirilgan fuqarolarning ahvoli qanday bölişini tasavvur qilavering.
Sakkizinçi kun
Tongda yugurişga köpçilik çiqibdi. Sal oyoqlarning çigalini yozdirmasangiz, böğinlar oğriyotgandek. Bizning qatordagi konteynerlardan test natijasi hammada manfiy çiqqanmiş. Heç kimni olib ketişmadi. Lekin taşqaridan eşigimizni qulflab ketganday böldi.
Içkarida kalitlar bor. Çiqsam, qöşni konteynerda kimlardir qarsak çalib, milliy qöşiqlarga raqsga tuşişayotgan ekan. Tuşlikdan keyin eşigimiz taqilladi. Çiqib qarasam, skafandrdagi bitta xodim: «Nos söraganmidinglar?», deb adaşib keldi.
Töqqizinçi kun
Ertalab 10 litr suv berişdi. Bugun sirenalar ovozini köp eşitdik. Biroz xavotirlandik. Test natijasi yolğondan manfiy çiqqan bölsa-çi, degan xayollar ötdi. Vaqt endi sekinlaşayotgandek. Keyin bilsak, sirenalar konteynerlar tomiga çiqib olganlarga ta'sir ötkaziş uçun qöllanayotgan ekan.
Öninçi kun
Takroriy test böyiça qarorni bugun qabul qilişar ekan. Hamşiramiz juda muloyim. Boşqa xodimlar ham karantinga olinganlar bilan munosabat qilişni endi örgangandek. Şaroitlarga könikdik. Ovqatlarni xursand bölib kutib olyapmiz.
Ön birinçi kun
Bugun ertalab harorat tekşirgani kelişmadi. Ötgan kuni bergan bölsa-da, bugun ham yana 10 litrdan suv berişdi. Keçqurun ikkinçi – yakuniy testni olişdi. Testi bu safar çet elniki va rasmlarda körganimizdek, sifatli edi. Laborantlar juda muloyim. Kayfiyatimiz yaxşi.
Ön ikkinçi kun
Vaqt sekin ötyapti. Sabr tugab boryapti. Munosabatlar ham yana taranglaşib boşlagandek. Kimdir konditsionerning sovuq havosi menga yetib kelmayapti deb haroratini pastlatib qöyganigami, yo yugurib kelib sovuq tunda çömilib çiqqanimgami, şamollagandekman. Tomoğimda oğriq bordek.
Işqilib, haroratim kötarilmasa böldi. Tomoğimni çayyapman. Hamşira ham aytgandi, şamollaşingiz ehtimoli bor, deb. Keçqurun harorat ölçagani heç kim kelmadi. «Ikkinçi test natijalariga qarab, ertaga bizni qöyib yuboradi», degan gap-söz tarqaldi.
Ön uçinçi kun
«Testlar yaxşi çiqdi, bizning qatorda heç kimda yöq», degan xabarlar keldi. Hamma xursand va ketişga tayyorgarlikka tuşib ketdik. Endi avtobus kutyapmiz. Bu yerdan qanday çiqib ketişimiz haqida heç qanday ma'lumot yöq. «Qölingizga manfiy natija qoğozini beradi», deyişdi.
Aytişlariça, karantindagilarga törttamikin avtobus xizmat körsatayotgan ekan. Karantindan çiqadigan 200–250 odamni, menimça, tört-beş soat taşisa kerak. Qayerga olib borib taşlaşlari haqida ham aniq ma'lumot yöq. Taşkiliy işlar noldan past darajada.
Bergan telefonlarini soat 10:30larda kelib, yiğib ketişdi. Vaqt töxtab qolgandek. Lekin endi negadir: «Xabarimiz yöq, biz bilmaymiz, sizlarga bugun çiqasizlar deb aytmadik», deyişyapti. Noadekvatroq xodimlardan biri «hali test natijalari çiqmadi», dedi.
Endi «laboratoriyadagilar qoğozlarni tayyorlab ulgurmayotgan ekan», degan gap tarqala boşladi. Işqilib, testlarni çalkaştirib yuborgan bölmasin-da. Keyin, yana, «transport yetişmayotgani uçun keçikyapti» degan taxminlar ham boşlandi.
«Noadekvat xodim» aniqroq ma'lumot talab qilganimiz uçun orada bizni noşukrlikda ham aybladi. Uruş-janjal boşlandi. Orada boşqa uruş-janjal videosi tarqalgan. Keçqurun harbiy formada kimdir keldi. Savollarimizga javob bera olmadi. U ham bir oddiy askar ekan.
Ön törtinçi kun
Ikki kundan beri yugurişga çiqmadim. Şamollaganman, burnim sal bitgan, köp aksiryapman. Tong sahardan Isuzu avtobuslar kolonnasi ötganini bildik. Konteynerlarga joylaşişimiz qanday janjal bilan boşlangan bölsa, çiqib ketişimiz ham şunday janjal bilan ötyapti.
Bizning qatordagilar şovqin kötarib, blokimiz nazoratçisini çaqirgan. Men şamollaş alomatlari bölgani uçun taşqariga çiqmayapman. Tuşdan söng köçada baqir-çaqir boşlanib ketibdi. Çiqsam, Sanitariya-epidemiologiya osoyiştalik agentligidan xodim kelib, tuşuntiriş olib borayotgandi.
Gaplariga qaraganda, test natijalari hali yetib kelmaganmiş. Laboratoriya heç qanaqasiga ulgurmayotgan ekan. Kattalar «qaçon javob aniq böladi» degan talab qolib, «muomala yaxşi bölmadi» va şaroitdan nolişlarga ötib ketdi. Orada odamlar örtasida özaro janjal ham böldi.
Kimdir «suv berib turişdi», deganiga boşqasi: «Suv umuman bermadi, men uydan oldirib turdim», deb içkaridan idişlarini körsatib, baqirib ketdi. Tartibsizlik öz oramizda ham kuçaygan. Kattalar örnak bölmadi.
Keyin, bir amallab vaziyatni qölga olib, agentlik xodimiga ikki soat içida aniq ma'lumot topib kelib, bizga xabar berişini zimmasiga yukladik. Va'dasida turib, lekin tört soatlardan keyin kelib, ertaga ertalabdan boşlab hammani uyma-uy tarqatiş boşlanişini ma'lum qildi.
Agentlik xodimining gaplariga köra, birinçi test yaxşi çiqqan. Köpçilik eşitmadi buni va xursand bölib ketdi. Ba'zilar maskasiz edi. Şu kuni ba'zi qöşnilarimiz uxlamadi, köçada gaplaşib ötirdi. Biz vaqt ötkaziş uçun konteynerdoşlar bilan kompyuterda öyin öynadik.
Taşqariga köp çiqmadim. Aksiraman, ovozim ham sal özgargan. Orada ma'lumot qidirib taşqariga çiqqanimda, menga maskangizni yeçib yuravering, deb mutoyiba qilib ham qöyişdi. «Agentlik xodimi faqat birinçi testni aytdi» desam, gapimga e'tibor berişmadi.
Taşqaridagilar bir-birlari bilan telefonlarini almaşişgan, unga bu bergan, bundan u olgan, asosan sigaret almaşişdi. Maskaga endi e'tibor berişmayapti. Ba'zilar özi şundoq ham maskani burnining, iyagining ostidan taqib yurardi.
Ön beşinçi kun
Tong bilan köpçilik köçaga çiqib olgan. Vaqt ötmayapti. Şamollaş alomatlarim pasaygan. Burnim, tomoğim ança yaxşi. Haroratim kötarilmadi şu kunlarda. Xursandman. Uydagilarni ogohlantirib qöydim, qöyib yuborişsa, uyda maskada yurişim haqida.
Ertalabki soat 8:00lardan «qaçon ketamiz», deb yana talab qilişni boşladik. Köpçilik köçada. Sanepidem va osoyiştalik agentligi xodimiga telefon qila boşladik. Keçagina: «Ertaga ertalabdan olib çiqaman», deb va'da bergan odam bugun: «Hozir boraman, gap bor», deyapti.
Yana tuşunmovçilik, yana mavhumlik. Heç kim nima bölayotganini tuşunmayapti. Tuşlikni soat 11:00lardan ötib berişdi. Şu bilan biroz vaqt ötdi, aldanib turdik. Keyin telefon va pasportlarimizni qaytarib berişdi va konteynerdan çiqmasligimizni söray boşlaşdi.
Xodimlar va hamşiralar yana skafandrlarga burkanib olişdi, közoynaklarini taqişgan. Biroz eskirgan maskalarini ikki qavatlab taqib olişibdi. Menimça, ular haqiqatan ham himoya vositalari bilan yetarliça ta'minlanmayapti. Işqilib, «bu yerda nimadir bor», degan xayol ötdi.
Bizga birinçi test toza çiqdi deyişgandi. Ikkinçi test ham yaxşi çiqqan, çunki heç kimni olib ketişga kelmadi, deb xursand qilgandi. Aslida esa bizning qatorda virusga çalinganlar bor ekan. Telefonda: «Sizlarda 130ta yangi holat aniqlandi», degan ekan.
Bu 130 holat 805 odam saqlanayotgan blokdami, butun zonadami yoki Nyu-Yorkdan kelgan reysdami, bunisini bilmadik. Tuşga yaqin vraç hamma xonasida bölişi kerakligini, birinçi galda kasallar, keyin ular bilan bir konteynerda bölganlar, şundan keyingina qolganlar olib çiqilişini tuşuntirdi.
Soat 12:00larda bizning qatordan uç yoki tört nafar hamyurtimizni xonasidan olib çiqib ketişdi. Ular orasida men telefon berib turgan yoşi katta xola ham bor edi. Keçagina «hammada test natijasi manfiy» deyişgandi-ya. Şunça odam maskasiz muloqotlar qilgandi-ya.
Vaqt sekinlaşib qoldi. Aytganidek, bizning navbat keldi. Tuşdan söng soat 15:00larda sekin qözğala boşladik. Lekin qölimizga va'da qilingan qoğozni bermadi. Orada oldimizga kelib, «sizlardan ham kasal çiqdimi?», deb sörab ketdi. Özlari ham bilmaydimi, deb qöydik.
Soat 16:00larda Isuzu avtobuslari keldi. Darvoza oldida odamlar töplangan. Ba'zilar maska taqmagan. Kutdim oxirlaşini. Isuzu’larning yarmi odamga, yarmi bagajlarga töldi. Men törtinçimi avtobusga çiqdim. Oyoq qöygani joy yöq. Içi töla. Konserva bankadek.
Avtobus biroz yurib töxtadi. Bizni qayerga olib borişi xaqida aniq javob yöq: kimdir Janubiy vokzalga desa, kimdir Sobir Rahimovga deydi. Haydovçi ham bilmas ekan. Viloyatdan kelganlar sarson. Ertadan poyezdlar qatnovi töxtaydi. Avtobus turibdi boşqalarni kutib.
Biz: «Yana uçta Isuzu qöşilsa, kolonna tayyor böladi va yuramiz», deb öylagandik. Yarim soatdan keyin yurdik. Lekin KPPga yaqinlaşişimiz bilan avtobus yana töxtadi. Nega töxtadik, nimani va qança kutişimizni haydovçi ham bilmaskan. U ham birinçi marta çiqqan ekan.
Neçta avtobusni kutganimizni bilmayman. Boş KPP oldida ham bir soatça turdik. Kimningdir çaqaloqi baqirib yiğlayapti. Avtobus içida havo qolmagan, isib, qaynab ketdi salon. Karantin zonada faqat Uzmobile işlarkan.
Uydagilarga bizni qayerda kutib olişni ayta olmayapmiz. Kimdir KPPdan çiqiş bilan deyapti. Haydovçi: «KPPdan keyin töxtamayman», deganiga qaramay, yana nimanidir kutiş uçun KPPdan ötib yarim soat töxtab turdik.
Odamlar avtobusdan tuşib, oldida duç kelgandan sörayapti: «Qayoqqa olib boradi bizni?», «Viloyatlarga ketişimiz qanaqa böladi?», «Soat 19:00dagi poyezd yurib ketdi» va hokazo. Soat ham 19:00 bölib qolgandi. Har doimgidek heç kim heç nimani bilmaydi.
Şimoliy vokzalga yaqinlaşganda haydovçi bilan bizni Janubiy vokzalga olib borişini kelişdik. Uydagilarga aytdik. Janubiy vokzal yonidagi köprikka kelganda avtobusimiz vokzalga qarab öngga kirib ketdi, boşqalar esa Sobir Rahimovga yöl oldi.
Foto: Google Photos
Umumiy qilib biror nima deyiş qiyin. Lekin:
Tartibsizlik. Har qadamda tartibsizlik va mavhumlik;
Katalakdek konteynerda virusdan saqlanişda eng muhim hisoblangan jihat – masofa saqlaşning iloji yöq;
Dezinfeksiya uçun heç nima berilmaydi. Özingiz bilan niqob, antiseptik oling;
Yölingizda uçragan hamma özini boşliqday tutadi, lekin heç nimani bilmaydi. Hammasining köngli nozik. Aniq savollarga javob yöq;
Aniq mas'ullardan heç kimni topolmaysiz. Blok, zona nazoratçisi, kattasiga çiqişning iloji yöq;
Zonaga tuşsangiz, keyin mehmonxonaga köça olmaysiz.
