«O‘zbekiston Respublikasi Sog‘liqni saqlash vaziri Alisher Shodmonov Respublika ixtisoslashtirilgan kardiologiya ilmiy-amaliy tibbiyot markazida statsionar sharoitda rejali davolash muolajalarini olmoqda. Bemorning ahvoli qoniqarli holatda», deyiladi vazirlik matbuot xizmati xabarida.
Ayni vaqtda uning aynan qanday kasallikdan davolanayotganiga aniqlik kiritilmagan.
Eslatib o‘tamiz, Alisher Shodmonov oxirgi marta shu yilning 24 iyul kuni matbuotda ko‘rinish bergandi, o‘shanda u Turkiyadan O‘zbekistonga koronavirusga qarshi kurashda maslahatchi sifatida kelgan guruh vakillarini qabul qilgandi.
