Magistraturaga kirish imtihonlari 8-20 sentabr kunlari o‘tkaziladi

2020/2021 o‘quv yili qabulida respublika oliy ta'lim muassasalarining magistraturasiga kirish imtihonlari karantin talablariga qat'iy rioya qilingan holda 2020 yil 8-20 sentabr kunlari o‘tkaziladi. 

Oliy va o‘rta maxsus ta'lim vazirligi xabariga ko‘ra, bu O‘zbekiston Respublikasi ta'lim muassasalariga o‘qishga qabul qilish bo‘yicha Davlat komissiyasining 3-son majlisi bayoni qarorida belgilab qo‘yildi.

Qayd etilishicha, imtihonlar test sinovi tarzida kompyuterda onlayn olinadi.

Eslatib o‘tamiz, joriy o‘quv yilida ta'limning magistratura bosqichiga respublika bo‘yicha jami 10 425 nafar talaba qabul qilinishi belgilangan.

Shundan 5475 nafari grant, 4950 nafari to‘lov-kontrakt asosida tahsil oladi.