«Биргина ўткир ичак юқумли касалликларини 2019 йил 6 ойлигига нисбатан, жорий йил шу даврида 61 фоизга камайгани, вирусли гепатит А тури 76 фоизга камайганининг ўзи ушбу дезинфекция чораларининг юқумли касалликлар тарқалишида ўрин тутганлигини билдиради.
Бугунги кунга қадар дезинфекция туннелларининг коронавирусга қарши таъсир самараси қайсидир мамлакат томонидан ўрганилгани тўғрисида расмий мақолалар чоп этилмаган», дейди штаб аъзоси.
- Аввалроқ Соғлиқни сақлаш вазирлиги дезинфекция туннелларининг коронавирусга қарши курашда энг фойдасиз восита эканлиги ҳақида баёнот берган эди.
Икромовнинг маълумот беришича, кунига 30-40 мингта тест таҳлили ўтказиляпти, шундан 200-250тагача мусбат натижа аниқланяпти.
Брифингда Қирғизистон билан янги тартиб келишилгани бўйича тўлиқроқ маълумот бериш сўралган.
«Республика махсус комиссиясининг қарори билан сўнгги 14 кун Қирғизистон Республикасида бўлиб турган ёки сўнги 72 соат давомидаги коронавирус инфекциясига ПЗР тест текширувининг манфий натижалари тўғрисида маълумотномаси мавжуд бўлган шахслар Ўзбекистон Республикасига кириб келганда карантин назоратига олинмайди.
Қирғизистон Республикасига чиққан ҳамда фақатгина ушбу мамлакат ҳудудида бўлган Ўзбекистон Республикаси фуқаролари республикага қайтиб киргандан сўнг карантин назоратига олинмайди, белгиланган ҳолатлардан ташқари барча вазиятларда Ўзбекистон Республикасига кириб келувчи шахслар ўрнатилган тартибда карантин назоратига олинади», деди штаб аъзоси.
