«Tojikiston Rog‘un GES qurilishi uchun do‘stona va qardosh mamlakatlardan sarmoyalar jalb qilishdan manfaatdor» – Imomali Rahmon
Tojikiston prezidenti Rog‘un GES qurilishida xorijiy sarmoya jalb etishga umid bog‘lagan. Keyingi ikki yilda inshootni qurish uchun zarur bo‘lgan umumiy mablag‘ taxminan 1,1 milliard dollarni tashkil etadi.

Foto: Tojikiston prezidenti matbuot xizmati
Tojikiston prezidenti Imomali Rahmon Qatarning «Ash-Sharq» gazetasiga bergan intervyusida gidroenergetika sohasidagi investitsiya loyihalarini amalga oshirish istiqbollari haqida to‘xtaldi.
«Ushbu inshoot Tojikistonning ijtimoiy-iqtisodiy rivojlanishidagi muhim omil bo‘lib, qayta tiklanadigan manbalardan toza energiya ishlab chiqarish nuqtayi nazaridan mintaqaviy ahamiyatga ega», – dedi prezident.
Prezident Rahmon ushbu stansiyaning oltita gidroelektr bloklaridan ikkitasi hozirgacha foydalanishga topshirilganini aytgan.
«Tojikiston hukumati ushbu loyihani amalga oshirish uchun do‘st va qardosh mamlakatlardan sarmoyalarni jalb qilishdan manfaatdor», – deya ta'kidlagan Tojikiston yetakchisi.
Mamlakat prezidenti, uch oy oldin Rog‘un GES quruvchilari bilan uchrashuvda, tegishli ishchi guruh 2021 yilda Rog‘un GES qurilishini moliyalashtirish manbalarini topish bo‘yicha aniq choralar ko‘rishini ma'lum qilgandi.
Unga ko‘ra, o‘tgan yili Rog‘un qurilishi bir qismini yakunlash uchun davlat budjetidan 3 milliard somoniy ajratilgan. 2021 yilgi Davlat budjetidan ushbu gidroelektrostansiya qurilishini moliyalashtirish uchun 2,1 milliard somoniy ajratilishi rejalashtirilgan.
Hukumat tomonidan tasdiqlangan jadvalga binoan, 2020-2022 yillarda Rog‘un GESda yana qurilish uchun zarur bo‘lgan umumiy mablag‘ taxminan 1,1 milliard dollarni tashkil etadi.
Ma'lumot uchun, 2008 yildan buyon Rog‘unning qurilishiga budjet mablag‘lari hisobidan 25,3 milliard somoniydan ko‘proq mablag‘ sarflanganligi aytilgandi. Bundan tashqari, 2010 yilda Rog‘un GES aksiyalari chiqarilib korxonalar va aholiga sotilishi natijasida 800 million somoniy qurilishga jalb qilingandi. 2018 yil noyabr va 2019 yil sentyabr oylarida Rog‘un GESning ikkita gidroelektr blogi ishga tushirildi, ular 2020 yil sentyabrgacha 1,7 milliard kilovatt-soatdan ortiq elektr energiyasini ishlab chiqargan. Rog‘un GES turbinalar zalida har birining quvvati 600 MVt bo‘lgan oltita agregatni o‘rnatish rejalashtirilgan. Inshoot 2033 yilgacha to‘liq qurib bitkazilishi kutilmoqda.
Tavsiya etamiz
Yozda top-klublar «talashishi» kutilayotgan 11 hujumchi
Sport | 15:30 / 01.04.2025
Konteynerni o‘quv markaziga aylantirgan vodillik talaba hikoyasi
Jamiyat | 09:03 / 01.04.2025
Yevropa uchta muammo iskanjasida qoldi - Rabbimov
Jahon | 21:00 / 31.03.2025
Samarqand shahriga kirish yo‘llari vaqtincha yopiladi
O‘zbekiston | 21:35 / 30.03.2025
So‘nggi yangiliklar
-
Ispaniya kubogi. «Barselona» «Atletiko»ni yarimfinalda qoldirib ketdi. Finalda «El Klasiko» bo‘ladi
Sport | 02:38
-
NASA kosmik kemalarni himoyalovchi yangi texnologiyani sinovdan o‘tkazdi
Fan-texnika | 01:07
-
Atlantika okeanida 6,5 tonna kokain ortilgan suvosti kemasi to‘xtatib qolindi
Jahon | 00:35
-
Amazon TikTokʼni sotib olishga ariza berdi
Jahon | 23:40 / 02.04.2025
Mavzuga oid

20:20 / 31.03.2025
O‘zbekiston, Tojikiston va Qirg‘iziston davlat rahbarlari Xo‘jand qal’asini tomosha qildi

12:58 / 31.03.2025
O‘zbekiston, Tojikiston va Qirg‘iziston davlat chegaralarining tutash nuqtasi to‘g‘risidagi «tarixiy shartnoma» imzolandi

11:37 / 31.03.2025
Shavkat Mirziyoyev Imomali Rahmon bilan uchrashuv o‘tkazdi

17:51 / 18.03.2025