11:02 / 21.02.2021
18039
Учқўрғон тумани ИИБ бошлиғи ўзгарди

Наманган вилояти ИИБдаги мулозимлардан бири туман даражасига туширилди.

Подполковник Боситхон Абдирайимович Қосимов Учқўрғон тумани ички ишлар бўлими бошлиғи лавозимига тайинланди. Бу ҳақда Ички ишлар вазирлиги матбуот хизмати хабар бермоқда.

Тайинловга қадар Б.Қосимов Наманган вилояти ИИБ ҳузуридаги тергов бошқармаси бошлиғининг ўринбосари лавозимида фаолият юритган. 

Учқўрғон тумани ИИБга 2017 йил апрелидан буён подполковник Дилшодбек Сайдуллаевич Тўраев раҳбарлик қилиб келаётганди.

Бундан аввалроқ Тошкент шаҳар ИИББ бошлиғи ўринбосари, полковник Маҳкам Вафоев Олмазор тумани ИИБ бошлиғи лавозимига ўтказилгани хабар қилинганди.

Эслатиб ўтамиз, президентнинг Наманган вилоятига сафари давомида Уйчи тумани раҳбарлари, шу жумладан, туман ИИБ бошлиғи Авазбек Хўжахонов ишдан олинганди.

Top