Bazarov nimani közlagandi? Uning odamlarni junbişga keltirgan çiqişlari

Uning navbatdagi jiddiy provokatsion çiqişi 20 mart kuni böladi. U Özbekiston prezidentligiga nomzodlik qilişini aytib, prezidentlikka saylansa, mamlakatda «svingmahallalar» paydo bölişini, ya'ni erkaklar öz ayollarini boşqa erkaklar bilan almaşib, baham körişi hamda bir jinslilar munosabatiga yöl oçib berişini aytadi. Bunga sabab sifatida musulmon ayollar, xususan, özbek ayollari şundoq ham doimiy ravişda erlariga xiyonat qilişlarini ta'kidlaydi.

Bundan taşqari, u mart oyi boşida Amir Temur xiyobonida aksariyati öspirinlardan iborat bölgan Anime va K-pop muxlislarini töplagan. Bu jarayonni yoritiş vaqtida ikki öspirin qizning öpişib turgan holatini ham namoyiş etgan. Natijada, jamoatçilikda bu ham LGBT tadbiri bölgani haqida tasavvur uyğotgan.

Uning bunday çiqişlari ijtimoiy tarmoq foydalanuvçilarining ğazabini uyğotgan, şu jumladan, blogerlar va jamoatçilik faollarining keskin noroziliklariga sabab bölgan. Uning çiqişlariga nafrat ruhidagi postlar, uni jazoga tortişga çaqiriqlar soni köpaygan.

Körinib turibdiki, Bazarov qator qonun talablarini qöpol ravişda buzib, dinga e'tiqod qiluvçilarning his-tuyğularini haqoratlagan. Şu tarzda, 28 mart kungi tartibsizliklar kelib çiqişiga xizmat qilgan.

Xalqaro taşkilotlar voqea yuzasidan munosabat bildirayotganida masalaning xronologiyasini örganib, blogerning maqsadlari va agressiv harakatlariga e'tibor qaratişi va şunga yaraşa baho berişi töğri bölardi.

U söz erkinligi, inson huquqlarini bayroq qilib, boşqa insonlarning izzat-nafsiga tegişi, dinni aralaştirişi, mamlakatning aksariyat aholisi uçun muqaddas hisoblangan tuşunçalarni oyoqosti qilişi, özbek ayollarining şa'niga çidab bölmas tuhmatlar qiliş orqali özbek erkaklarining nafsoniyatiga tegişi öz oqibatlarini keltirib çiqarişi tabiiy holat edi. Natijada unga nisbatan «samosud» uyuştirildi.

Noqonuniy miting ham, «samosud» holati ham özbekistonliklarning aksar qismi tomonidan qoralanmoqda.

Barça qonunbuzarlar, provokatsion harakatlar sodir etgan blogerlar, şu jumladan, Bazarov hamda unga tan jarohati yetkazganganlarning xatti-harakatlariga huquqni muhofaza qiluvçi organlar tomonidan huquqiy baho beriladi. Zero, Özbekistonda samosudlar emas, faqat qonun hamda unga itoatkorlik ustuvor bölişi şart.

• Şu örinda, ota-onalarga murojaat: farzandlaringizning tarbiyasiga e'tiborli böling, maqsadlari ezgu bölmagan turli ommaviy tadbirlarda iştirok etişiga yöl qöymang! Öğil-qizlaringiz böş vaqtlarida nima bilan şuğullanayotganiga, ijtimoiy tarmoqlarda kimlarga ergaşayotganiga e'tibor qarating, befarq bölmang.

Eslatib ötamiz, Özbekiston Respublikasi Jinoyat kodeksining 156-moddasi (Milliy, irqiy, etnik yoki diniy adovat qözğatiş) ikkinçi qismiga köra milliy, irqiy, etnik yoki diniy mansubligiga qarab, aholi guruhlariga nisbatan adovat, murosasizlik yoki nifoq keltirib çiqariş maqsadida milliy şa'n-şaraf va qadr-qimmatni kamsitişga, diniy e'tiqodiga yoki daxriyligiga qarab, fuqarolarning his-tuyğularini haqoratlaşga qaratilgan qasddan qilingan harakatlar ikki yildan beş yilgaça ozodlikni çeklaş yoxud beş yilgaça ozodlikdan mahrum qiliş bilan jazolanadi.

Ma'muriy javobgarlik töğrisidagi kodeksning 201-moddasiga köra yiğilişlar, mitinglar, köça yurişlari yoki namoyişlar uyuştiriş, ötkaziş tartibini buziş bazaviy hisoblaş miqdorining oltmiş baravaridan sakson baravarigaça miqdorda jarima solişga yoki ön beş sutkagaça muddatga ma'muriy qamoqqa olişga sabab böladi.

Yangi tahrirdagi Jinoyat kodeksi loyihasida özboşimçalik bilan jazolaş maqsadida şaxsga zörlik işlatiş yoki zörlik işlatiş bilan qörqitiş, uriş, döpposlaş, qiynaş, azob beriş yöli bilan yoki qonunga xilof boşqa harakatlar vositasida ruhiy, psixologik, jismoniy yoki boşqaça tarzda bosim ötkazganlik uçun jinoiy javobgarlikni belgilaş nazarda tutilmoqda.

Ayni vaqtda, amaliyotda uçrayotgan bu kabi holatlar Jinoyat kodeksining 277-moddasi (Bezorilik) va qasddan badanga şikast yetkaziş bilan boğliq (JKning 104, 105, 109 va boşq.) moddalari bilan malakalanmoqda.