Video: Gulnora Karimovadan musodara qilingan «Sijjak» oromgohi

O‘zbekiston birinchi prezidentining qizi Gulnora Karimova qator jinoyatlari bilan davlatga yetkazgan zararga tovon o‘laroq musodara qilingan «Sijjak» maskani sotilmoqda. Rasmiylar jurnalistlarni tog‘lar bag‘ridagi bu koshona bilan tanishishga taklif qildi.

{Yii::t(}

O'tkazib yuborish 6s

Oromgoh Toshkent viloyatining Bo‘stonliq tumanida, dengiz sathidan 959 metr balandlikda, Pskem daryosi vodiysining o‘ng qirg‘og‘ida joylashgan.

Yer uchastkasining umumiy maydoni – 5,4 gektar. Bino va inshootlar jami maydoni 5016,1 kv.m.

Kompleks hududida mehmonxona, kottejlar, ochiq va yopiq basseynlar, tennis korti, sport zallari va boshqa inshootlar bor.

«Sijjak» oromgohi Gulnora Karimovadan 2017 yil fevralida, sud ajrimi bilan musodara qilingan edi. Keyinchalik bu maskan Triatlon federatsiyasiga vaqtincha tekin foydalanishga berilgandi.

Prezidentning 2021 yil 11 fevraldagi «Davlat aktivlarini xususiylashtirishni yanada jadallashtirish chora-tadbirlari to‘g‘risida»gi farmoniga asosan, «Beldirsoy» oromgohi va boshqa bir nechta obektlar qatorida tayyor biznes shaklida investorlarga sotilmoqda.

Davlat aktivlarini boshqarish agentligi ommaviy savdolarda ishtirok etish uchun arizalarni 2021 yil 30 aprelgacha qabul qiladi.

#xususiylashtirish #Gulnora Karimova #Sijjak