Grantga kirib, kontraktda öqiyotgan ikki talaba. Davlat qabul komissiyasi qonunni mensimayapti
|01:29 / 12.06.202133 7658 min
Andijon tibbiyot institutiga grant asosida qabul qilinişi lozim bölgan ikki talaba qabul komissiyasidagi xodimlarning xatosi tufayli kontrakt tölab öqişga majbur bölmoqda. Davlat qabul komissiyasi qonunlarga zid ravişda sud qarorlarini ijro etmayapti.
Quvalik ikki talaba – Asadbek Hotamov va Muzaffar Toirov Andijon davlat tibbiyot institutining 2-kursini ham kontrakt asosida tamomlayapti, vaholanki ular kiriş imtihonida grant asosida öqiş uçun yetarli ball yiğgan.
Bunga birlamçi sabab – imtihonga hujjat qabuli vaqtida xodim-operator yöl qöygan xato. Boşqa bir sabab esa, mas'ullarning mas'uliyatsizligi.
Talabalarning ota-onalari turli vazirliklar va mutasaddi taşkilotlarga köp bora arz qilib, natijaga erişa olmagaç, Toşloq tuman va Farğona viloyati ma'muriy sudlariga murojaat qilişgan.
Har ikki sud Özbekiston Respublikasi ta'lim muassasalariga öqişga qabul qiliş böyiça Davlat komissiyasiga Asadbek Hotamov va Muzaffar Toirovni Farğona viloyati uçun ajratilgan davlat granti asosida talabalikka qabul qiliş majburiyatini yuklagan. Biroq komissiya sud qarorini ijro etmayapti.
Ma'lumot uçun, Davlat qabul komissiyasining işçi organi – Vazirlar Mahkamasining Ta'lim, soğliqni saqlaş, madaniyat, yoşlar, ma'naviyat va jamoat taşkilotlari, mahalla va oilani qöllab-quvvatlaş masalalari kotibiyatihisoblanadi.
Muzaffar Toirov va Asadbek Hotamov
Muzaffarbek Toirovning onasi Azizaxon Qodirova öğlining test imtihonlarida 168,4 ball yiğgan bölsa ham, şartnoma asosida öqiyotgani böyiça Oliy ta'lim vazirligi, Davlat test markazi va boşqa mutasaddi taşkilotlar eşigini köp bora qoqqani haqida uzoq sözladi.
«Öğlim 2019 yil 12 iyunda Andijon davlat tibbiyot institutida davolaş yönalişi böyiça öqimoqçi bölib, Farğona davlat politexnika institutida taşkil etilgan qabul komissiyasiga borib, öz hujjatlarini topşirgan. Hujjat topşiriş jarayonida operatorning aybi bilan farzandim Farğona viloyati uçun ajratilgan davlat grantida maqsadli tanlovda iştirok etiş huquqidan mahrum bölgan. Ya'ni operatorning aybi bilan umumiy tanlovda qayd etilgan. Oqibatda Farğona viloyati uçun ajratilgan davlat grantida budjet asosida öqişga balli yetgan bölsa ham kontrakt asosida öqiyapti.
Mavzuga oid
Muzaffarbek Toirovning onasi Azizaxon Qodirova
Şundan keyin biz zudlik bilan Oliy ta'lim vazirligiga, Davlat test markaziga, kerakli hamma vazirliklarga murojaat qildik. Lekin ulardan qoniqarli javob olmaganimizdan keyin 25 oktyabrda sudga murojaat qildik. Sud bizga, Toşloq tumani sudi tomonidan 2020 yil 15 mayda farzandlarimizni davlat grantida öqişga yetarli ball töplaganini hisobga olib, Farğona viloyati uçun ajratilgan davlat grantiga ötkazişni körib çiqişdi va Özbekiston ta'lim muassasalariga öqişga qabul qiliş davlat komissiyasi zimmasiga yukladi.
Biz oğzaki va yozma murojaatlarimizga ulardan heç qanday javob ololmadik. Şundan söng Farğona viloyati ma'muriy sudining apellyatsiya sudiga murojaat qildik. Apellyatsiya sudi ham 2021 yil 24 fevralda arizamizni körib çiqib, töliq qanoatlantirdi. Mana şundan beri 5 oy muddat ötyapti, lekin Özbekiston ta'lim muassasalariga öqişga qabul qiliş davlat komissiyasi tomonidan asossiz ravişda sud qarorining ijrosi ta'minlanmayapti.
2021 yil 22 aprelda Toşloq tumanida taşkil etilgan sayyor qabulda Özbekiston boş prokurori örinbosari Svetlana Ortiqovaning qabulida bölib, ariza va sud qaroridan köçirmani topşirdim. Svetlana Ortiqova «bu muammoni respublika miqyosida hal qilamiz», deya arizamni özida olib qoldi.
Undan keyin prezident maslahatçisi örinbosari Baxtiyor Islomovning qabuliga kirdim. B. Islomov Farğona viloyati ma'muriy sudining raisi Dilmurodxöja Mahamatovni çaqirib, sud qarori yuzasidan nazorat qilişini, yana bu muammolarni hal qilişga yordam berişini topşiriq qilib ketdi. Şundan keyin 26 aprelda Farğona viloyati ma'muriy sudining Davlat qabul komissiyasiga eslatma xati jönatildi. Şundan söng, mana, heç qanaqa natija yöq.
Ikki yildan beri farzandlarimiz davlat grantida asosli ravişda öqişga huquqlari bölişiga qaramasdan, kontrakt tölab öqityapmiz. Davlat komissiyasidan heç qanaqa noqonuniy narsani sörayotganimiz yöq-ku axir.
Murojaatlar bölimi xodimlari Şohrux Daliyev hamda Xurşid Musayevlar bilan telefonda gaplaşdim. Ular: «Biz tuman va viloyat sudlarining heç qanday qarorini ijro qilmaymiz. Ular bizni zimmamizga heç qanday majburiyat yuklay olmaydi. Faqat Oliy sudning qarorini bajaramiz», deyişdi. Biz endi qayerga murojaat qilişni bilmayapmiz. Axir sudning hukmi Özbekiston Respublikasi nomidan çiqqan-ku!
Men özim maktabda hamşira bölib işlayman. Turmuş örtoğim ikkinçi guruh nogironi. Mana, ikki yildan beri 8,5 mln sömdan farzandlarimizga kontrakt tölab öqityapmiz. Boşqa viloyatda öqiydi, ularning kvartirasi bor, kelib-ketişi va oziq-ovqati bor.
2 yildan beri tölayotgan 8,5 mln sömdan kontrakt tölov pullarimizni qaytarib berişlarini söraymiz. Axir biz özimizning qonuniy haq-huquqimizni sörayapmiz.
4 nafar farzandni voyaga yetkazganman. 3 farzandim oliy ma'lumotli. Bu törtinçi farzandim. U 2018, 2019, 2020 yillarda kimyo yönalişi böyiça viloyatning mutlaq ğolibi hisoblanadi. Farzandimning bilimiga işonaman. Bizning işonçimizni oqlaydi», – deydi ona.
Asadbek Hotamovning onasi Irodaxon Usmonova ham özlarini qiynayotgan muammo haqida aynan şunday fikrlarni bildirdi.
Asadbek Hotamovning onasi Irodaxon Usmonova
Talabalar Muzaffarbek Toirov va Asadbek Hotamovlar yuqori ball töplab, kontraktga öqişayotganidan norozi ekanliklarini bildirişdi.
«Töğrisi, bunday holat bizga qattiq alam qilyapti. Ya'ni biz öz bilimimizga işonib, şunday yuqori natija olib, institutga yaxşi niyatlar bilan kirsag-u, lekin ayrim kamçiliklar deb biz kontrakt asosida öqişga tuşib qolganimiz va köp xarajat qilib, oilamizga oğirligimiz tuşayotganidan norozimiz», – deydi Asadbek Hotamov.
Andijon davlat tibbiyot institutida bölib, mutasaddilar bilan suhbatlaşdik.
«Ayni paytda Andijon davlat tibbiyot institutida tahsil olayotgan uşbu ikki nafar talabamizda yuzaga kelgan muammo şundan iboratki, bular 2019-2020 yilgi öquv yilida Andijon davlat tibbiyot institutiga öqişga kiriş maqsadida Farğona viloyatidagi Farğona politexnika institutida röyxatdan ötişgan.
Röyxatdan ötiş jarayonida Davlat test markazining bazasiga kiritilayotgan ma'lumotlarda maqsadli kvota belgilanmay qolgan. Şu sababli bu ikki nafar abituriyent yuqori ball töplaşiga qaramasdan, ya'ni 168,4 hamda 167,7 ball töplaşlariga qaramasdan, davlat granti asosida qabul qilinmagan.
Muammo öqişga qabul qiliş böyiça Davlat komissiyasining tegişli qarori va körsatmalariga asosan hal qilinadi. Bizning tibbiyot institutimizga ana şunday körsatma kelsa, ikki nafar talabaning öqişini grant asosida özgartirişimiz mumkin böladi. Lekin bevosita Andijon davlat tibbiyot instituti ma'muriyati, ya'ni rektor tomonidan uşbu holatni grant asosida öqişga qabul qiliş böyiça vakolati yöq. Şu bois davlat komissiyasining tegişli qaror va körsatmalarini kutib turibmiz», – deydi Andijon davlat tibbiyot instituti mas'ul xodimi Sarvarbek Salohiddinov.
U har ikki talabaning muammoli holati ijobiy hal bölsa, ularning ikki yillik şartnoma pullari qaytarib beriladimi, degan savolga javoban, institut tarixida bunday holat kuzatilmagani, şu sababli bu masala ham davlat komissiyasining qaror va körsatmalariga asosan hal bölişini bildirdi.
Bugun siz guvohi bölgan uşbu hodisa konstitutsiya va qonunlar ustuvor bölgan Özbekistonda yuz bermoqda. Sud hujjatlari barça davlat organlari, jamoat birlaşmalari, korxonalar, muassasalar va taşkilotlar, mansabdor şaxslar, fuqarolar uçun majburiydir hamda Özbekiston Respublikasining butun hududida ijro etilişi şart, degan qoida Vazirlar Mahkamasiga borib taqalganda işlamay qolyapti.
Ham qonun, ham sud qarorlariga asosan grantga haqdor talabalar ayrim amaldorlarning befarqligi, ta'bir joiz bölsa vijdonsizligi oqibatida öz huquqlarini röyobga çiqara olmayapti.
