12:51 / 10.07.2021
1986
Бухорода 2 500 доллар эвазига фуқарони ОТМга ўқишга киритмоқчи бўлган ўқитувчи ушланди

Бухорода фуқарони магистратура йўналишига ўқишга киритиш учун 2 500 АҚШ доллари олаётган ОТМ ўқитувчиси ушланган. Бу ҳақда вилоят ИИБ хабар бермоқда.

Маълум қилинишича, Бухоро вилояти ҳуқуқни муҳофаза қилувчи идоралар ходимлари томонидан ўтказилган тезкор тадбирда, Бухоро давлат университети мактабгача таълим кафедраси ўқитувчиси Н.Ф. ушланган.

У, фуқаро Э.Э.нинг ишончига кириб, уни ваколатли танишлари орқали университетнинг мактабгача таълим йўналиши бўйича магистратура босқичига ўқишга киритиб қўйишни ваъда қилиб, 2 500 долларни олаётган вақтда қўлга олинган.

Қайд этилишича, мазкур ҳолат юзасидан Жиноят кодексининг 168-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.

Top