Orzuning uşalişi. Messi nihoyat Argentina bilan kubok yutdi

Messi baribir kubokni kötarişga haqli edi.

Ideal kartina hosil bölişi uçun bir neça çizgilar çiziş qolgandi, buni nafaqat butun Argentina, balki Yer şari aholisi ham kutayotgandi.

«Barselona» pul izlamoqda, Messi Argentinani sovrin sari olib bormoqda

Keskinlik oşib ketganini sezgan oq-köklar murabbiyi Lionel Skaloni bosim darajasini biroz tuşirişga urinib, faylasuflarça yondaşdi: «Ğalaba qozonamizki yoki yöq, baribir Messi tarixdagi eng yaxşi futbolçi bölib qoladi. U buni isbotlaş uçun terma jamoa bilan ham sovrin yutişi şart emas».

Leoning özi esa öyindan oldin Instagram’dagi sahifasida terma jamoaning barça a'zolari aks etgan suratni joyladi va uning uçun terma jamoa qançalar muhimligini körsatdi. Suratdagi yagona havola — milliy jamoa profiliniki edi. Izoh sifatida esa — Juntos (birgalikda) yozuvi bitilgandi — bu ham köp narsani anglatardi.

Finalni aynan jamoa bölib yutişdi. Turnir davomida gollar va golli paslari bilan eng yaxşi bölgan Messi bu öyinda özi uçun kamtarroq darajada öynadi. Ammo buning ahamiyati yöq. Öyin yakunlangaç, jamoa futbolçilari unga qarab çopişdi va uni kötarib köklarga otişdi, Messi ham bu turnir ğolibligi uçun hissa qöşgan jamoadoşlaridan minnatdor, ular bilan klubdagi sovrinlarini ham bölişişga tayyor. Aftidan uning şaxsiy sovrinlari qatoriga yana bir «Oltin töp» qöşilişi aniq bölib qoldi.

Bir sovrin uçun ikki yulduz
Final qadrdon döstlar va turnirning eng yorqin yulduzlari - Messi va Neymar qarama-qarşiligida keçişi bilan ham e'tiborli edi. Qolaversa, braziliyalik futbolçi ham hali terma jamoa bilan katta sovrin yutmagan. Konfederatsiyalar kubogi — hisobga ötmaydi. «Ular haqida gapirar ekanmiz, biz mukammallik, texnika, aql, jismoniy yetuklik va juda yuqori ijodiy qobiliyat haqida gapiramiz. Bu katta çaqiriq va tomoşabinlar uçun haqiqiy sovğa», — deya qayd etdi brazillar boş murabbiyi Tite.

Amerika Kubogi. Finalda Messi Neymarga qarşi öynaydigan böldi

Aftidan, KONMeBOL ekspertlari ham mavzuni şu kabi muhokama qilişdi va final oldidan aniq tanlov qila olişmadi - Messi va Neymar birgalikda turnirning eng yaxşi futbolçilari sifatida e'tirof etildi. Bir tomondan, bu juda çiroyli qaror böldi, şu bilan birgalikda bu ğalati ham edi. Sport prinsiplariga rioya etilmaganidan ham, bu ikki «önlik» futbolçining jamoadagi natijalari jihatidan ham.

Messi 4 gol va 5 golli uzatmasi bilan Neymarni ortda qoldirgandi. U oldingi çiziqdagi barça statistik körsatkiçlar böyiça ham oldinda edi. Tite argentinalik yulduzni qanday qilib qurolsizlantirişni bilişini aytdi. U buni qanday qilişini aytmagan bölsa-da, murabbiy şunday hazillaşdi: «Agar argentinaliklar bizga Neymarni qanday qöriqlaşlarini aytmoqçi bölsalar, biz ham öz rejamizni oçiqlaymiz va Messini qanday töxtatib qolişimizni aytamiz».

Öz navbatida, Braziliya tarkibda syurprizlar qilmadi, yarimfinaldagi tarkib finalga ham tuşirildi. Ikki öyinlik diskvalifikatsiya olgan Gabriel Jyezus va amalda toza «töqqizlik»siz. Argentina esa ikkita özgariş qildi. Birinçidan, himoya markaziga jarohatini tuzatgan, mamlakatning hozirgi kundagi eng yaxşi himoyaçisi Romero qaytdi. Ikkinçidan, murabbiylar ştabi pley-off öyinlarida zaxiradan tuşib yorqin öyinlar namoyiş etgan Di Mariyani faqat vaziyatlarni kökka sovuriş bilan yodda qolayotgan Nikolas Gonsalesdan köra boşlanğiç tarkibga munosibroq deb topişdi.

Qahramon Di Mariya va Neymarning köz yoşlari
Öyinning qiymati şunçalik baland ediki, tomonlar ilk daqiqalardan özaro jangga kirişdi, öyinning 151-soniyasida Fred Montielni şifoxonaga jönatişiga bir baxya qoldi va Amerika Kubogi tarixidagi eng tezkor sariq kartoçkaga sazovor böldi. Argentinaliklar ham jim qarab turişmadi va Neymar öz hujumlaridan birining yakunida arbitrga yirtilib ketgan şortigini körsatdi, Lukas Paketa — Otamendining butsasidan tilingan getrasini.

Öyinning 20-daqiqasigaça jamoalar birgalikda 13 fol sodir etişdi, keyin esa mehmonlar özlarining qanday futbol öynaşlarini eslab qolişdi. De Paul maydonning uçinçi qismidan diagonal uzatma berdi, Renan Lodi qöpol xatoga yöl qöydi, u ötkazib yuborgan töpni Di Mariya bir çiroyli harakat bilan öziga böysundirdi va Edersonning boşi ustidan oşirib darvoza töriga taşladi. Bu argentinaliklarning ilk zarbasi va raqib jarima maydonida töpga ilk bor teginişi edi. Skalonining tarkib böyiça tanlovi özini oqladi, çunki şunday usta futbolçilargina muhim pallalarda «Marakana»dagi sehrga aldanmay, 17 yildan buyon final öyinlarida gol ura olmayotgan Argentinaning komplekslari bosimi ostida qolmay sovuqqonlik bilan harakat qila oladi. Terma jamoa finallarda sönggi bor Messining termaga kelişidan bir yil oldin gol urgandi.

Lekin bu syurpriz emasdi, oq-köklar finalgaça ham juda yorqin va töğri yölga qöyilgan öyin namoyiş etib kelişayotgandi, ular har bir vaziyatdan maksimum natija çiqarişni örganib olişgandi. Braziliya ham özining odatiy öyinini namoyiş etdi, ammo undan ortiği emas - jamoa natija uçun zör berib harakat qilmadi. Vaziyatni özgartiriş uçun esa yanada köproq yuguriş va aniqroq harakat qiliş zarur edi, tanaffusda Tite yarimhimoyadagi Fred  örniga Robertu Firminuni tuşirdi. Neymar pleymeyker vazifasiga ötdi va bu öyin xarakterini özgartirdi. Rişarlison gol urdi, ammo ofsayddan, keyingi vaziyatda uning zarbasini Emiliano Martines qaytardi, Argentina esa öyin tempini tuşirişga kirişdi.

Tayanç zonasida Gvido Rodriges Paredes örniga tuşirildi. Yana bir himoyaçi Talyafiko Lo Selsoni almaştirdi. Tite va-bankka borib, yana bir örta çiziq vakilini (Paketa) forvard Gabriel Barboza uçun qurbon qildi. Bungaça hujumga Vinisius Junior ham tuşirilgandi. Braziliya öyinni beş hujumçi bilan yakunladi. Argentina — toza hujumçisiz, ammo raqibning har bir hujumiga javob qaytarib turdi. Messi öyin taqdirini ertaroq hal qilib qöyişi mumkin edi, ammo yaxşiroq pozitsiyada turgan şerigiga töpni uzatişga qaror qildi.

Mehmonlarni yana Martines qutqardi, 86-daqiqada Gabigolning darvoza tösini ostiga bergan zarbasini barmoqlari uçi bilan yuqoriga kötarib yubordi. Javob hujumida Messi darvozabon bilan yakkama-yakka holatda uni aldab ötişga urinib, toyib gazonga yiqildi. Brazillarning javob hujumi esa jarima maydoni yaqinida ketma-ket follar bilan töxtatildi - agar bu hujumda mezbonlar hisobni tenglaştirişganida, Messining xatosi juda qimmatga tuşgan bölardi. Ammo Leoning alamli kunlari poyoniga yetgan edi. Nihoyat katta ğalabani nişonlaş vaqti kelgandi, Braziliya esa öz mezbonligidagi turnirda azaliy raqibini tabriklaşga majbur böldi, Neymar ham köz yoşlarini tiya olmagan holda Messining oldiga kelib, unga tilaklarini bildirib ketdi.

Rioda döstlik ğalaba qozondi, vaqti kelib Neymarda ham sovrin böladi. U ham Messi kabi bunday sovringa munosib.