13:20 / 03.08.2021
1549
Сурхондарёда фуқарони 600 доллар эвазига ишга киритиб қўймоқчи бўлган шахсга жиноий иш қўғатилди

Сурхондарё вилояти Термиз туманида фуқарони 600 АҚШ доллари эвазига ишга киритиб қўймоқчи бўлган шахсга жиноий иш қўғатилган. Бу ҳақда вилоят ИИБ хабар бермоқда.

Маълум қилинишича, 2021 йил 16 июл куни, Термиз тумани Гулбаҳор маҳалласида яшовчи Х.Озода вилоят ИИБга ариза билан мурожаат қилган. У ўз аризасида, таниши, туманнинг Наврўз маҳалласида яшовчи С.Маъруф «Ўзбекистонтемирйўллари» АЖда ишловчи танишлари орқали 600 доллар эвазига ишга киритиб қўйишини айтиб, ушбу пулларни беришини талаб қилаётганини маълум қилган.

Қайд этилишича, ҳолат юзасидан 16 июл куни вилоят ИИБ Жиноят қидирув бошқармаси ходимлари иштирокида тезкор тадбир ўтказилган. Тадбир давомида С.Маъруф Термиз шаҳар Алпомиш маҳалласи ҳудудида Х.Озодадан 600 доллар ҳисобидан 1 миллион сўм олган вақтда ашёвий далиллар билан ушланган.

Таъкидланишича, жорий йил 25 июл куни С.Маъруфга нисбатан Жиноят кодексининг 168-моддаси 1-қисми билан жиноят иши қўзғатилган.

Top