Qashqadaryoda Tojikistonga tegishli yuk mashinasi bilan to‘qnashgan mototsikl haydovchisi vafot etdi

Qashqadaryo viloyati G‘uzor tumanida Tojikistonga tegishli yuk mashinasi mototsikl bilan to‘qnashgan. Oqibatda mototsikl haydovchisi og‘ir tan jarohatlari olib shifoxonada vafot etgan. Bu haqda Kun.uz’ga viloyat IIB YHXB axborot xizmati xabar berdi.

Ma'lum qilinishicha, joriy yil 13 oktabr kuni soat 19:30larda M39 Almati-Toshkent-Termiz xalqaro avtomobil yo‘lining G‘uzor tumani Pachkamar mahallasi hududidan o‘tgan 1252-kilometrida odam o‘limi bilan bog‘liq yo‘l-transport hodisasi sodir bo‘lgan.

Tojikiston Respublikasiga tegishli «Mercedes Benz» rusumli yuk mashinasi «Ij» rusumli mototsikl bilan to‘qnashgan. Oqibatda mototsikl haydovchisi og‘ir tan jarohatlari olib shifoxonada vafot etgan.

Dastlabki surishtiruvda aniqlanishicha, yuk mashinasi haydovchisi tik nishablikni hisobga olmasdan o‘zidan oldinda ketayotgan mashinani quvib o‘tmoqchi bo‘lgan. Shu paytda qarama-qarshi yo‘nalishdan kelayotgan mototsikl unga urilgan.

Qashqadaryoda ta'mirlanayotgan ko‘prikdan tushib ketgan Lacetti haydovchisi vafot etdi

Qashqadaryoda mashinaning g‘ildiragi chiqib ketib YTH sodir bo‘ldi. Haydovchi vafot etdi