O‘zbekiston | 10:37 / 22.12.2021
6437
2 daqiqa o‘qiladi

Qashqadaryoda qizil chiroqda harakatlangan haydovchi ikki kishini urib yubordi. Piyodalarning biri vafot etdi

Videodan kadr

Qarshi shahrida svetoforning qizil chirog‘ida harakatlangan haydovchi ikki kishini urib yuborib, qochib ketgan. Oqibatda piyodalardan biri vafot etgan. Bu haqda viloyat IIB axborot xizmati xabar bermoqda.

Ma’lum qilinishicha, joriy yil 17 dekabr kuni 7:20 larda Qarshi-Beshkent yo‘lining Qarshi shahri hududidan o‘tuvchi 4-kilometrida odam o‘limi bilan bog‘liq yo‘l-transport hodisasi sodir bo‘lgan.

Qarshi-Beshkent yo‘nalishida harakatlanib borayotgan haydovchi chorrahada svetoforning qizil chirog‘ida harakatlangan va ko‘chani kesib o‘tayotgan ikki nafar piyodani urib yuborgan. So‘ng, ularga yordam bermasdan qochib ketgan. Oqibatda piyodalar og‘ir tan jarohati olib, ulardan biri vafot etgan.

Ichki ishlar xodimlari tomonidan olib borilgan tezkor harakatlar natijasida ushbu yo‘l-transport hodisasini «Lada Vesta» mashinasi haydovchisi sodir etgani aniqlanib, u ushlangan.

Qayd etilishicha, haydovchiga nisbatan Jinoyat kodeksining 266-moddasi 2-qismi va 117-moddasi 2-qismi bilan jinoyat ish qo‘zg‘atilgan. Hozirgi kunda Qarshi shahar IIO FMB tomonidan dastlabki tergov harakatlari o‘tkazilmoqda.

Mavzuga oid