Air Astana Rossiyaga barcha parvozlarini bekor qiladi

Air Astana aviakompaniyasi Rossiya hududidagi barcha tijorat reyslarini to‘xtatdi.

«Aviakompaniya parvozlarni tezroq tiklash masalasida Qozog‘iston hukumati bilan birgalikda ish olib boradi. Bekor qilingan reyslar yo‘lovchilaridan to‘lovlarni qaytarib olish uchun xarid joyiga murojaat qilishlarini so‘raymiz. Pullarni qaytarish to‘liq hajmda amalga oshiriladi», — deyiladi kompaniya bayonotida.

Shuningdek, Turkiyaning Pegasus aviakompaniyasi ham Ukraina atrofidagi vaziyat sababli Rossiyaga qarshi joriy qilingan sanksiyalar fonida 13–27 mart kunlari Rossiyaga parvozlarni amalga oshirmaydi.

Avvalroq, 6 martdan boshlab «Ozarboyjon havo yo‘llari» va Buta Airways Rossiyaning barcha shaharlariga parvozlarni vaqtinchalik to‘xtatgandi.