Sirdaryo viloyati sanitariya-epidemiologik osoyishtalik va jamoat salomatligi boshqarmasi axborot xizmatining xabar berishicha, Sardoba tumani «Zomin» MFY Havotog‘ qishlog‘ida yashovchi fuqaroda xalqaro kasalliklar klassifikatsiyasi (MKV-10) bo‘yicha A-22 deb ataluvchi xavfli kasallik aniqlangan.
A-22 faqat shu kasallik bilan kasallangan yirik va mayda shoxli qoramollarni so‘yish jarayonida hamda xom go‘sht bilan muloqot jarayonida odamga yuqadi. U odamdan odamga yuqmaydi.
Hozirda Sardoba tuman “Zomin” MFY hududidagi barcha yirik va mayda shoxli mollarda kasallikka qarshi veterinariya xodimlari tomonidan emlash ishlari olib borilgan.
Qayd etilishicha, 8 iyuldan 18 iyulgacha davom etadigan karantin choralari faqat yirik va mayda shoxli qoramollarga tatbiq qilinadi. Hozirda epidemiologik vaziyat barqaror, xavotirga o‘rin yo‘q.
