“Özgidromet” rahbari Şerzodxöja Habibullaxöja şoşilinç axborot bilan çiqib, respublika hududiga 17–22 iyul kunlari Turkmaniston orqali Eron hududlaridan issiq havo kirib kelişi, şu sababli havo harorati 47 darajagaça kötarilişi haqida ogohlantirdi.

Unga köra, issiq havo massalarining kirib kelişi natijasida kunduz kunlari havo harorati quyidagiça kötariladi:

  • Qoraqalpoğiston, Xorazm, Buxoro, Navoiy, Qaşqadaryo, Surxondaryo viloyatlarida 44-47 darajagaça;
  • Toşkent, Samarqand, Jizzax, Sirdaryo viloyatlarida 42-45 darajagaça;
  • Farğona vodiysi viloyatlarida 41-43 darajagaça.

Statistik raqamlarga köra, agar Toşkentda harorat 45 darajaga çiqsa, bu 1870 yildan keyingi davrning mutlaq rekordi böladi.

Iyun oyi oxirida Özbekiston aholisi kuçli issiqning birinçi tölqinini boşdan keçirdi. “Özgidromet” xabariga köra, 27–28 iyun kunlari şimolda va çöl hududlarda, 29 iyunda hududlar katta qismida issiq maksimal darajaga yetgan. Qoraqalpoğiston Respublikasi, Xorazm, Buxoro, Navoiy, Qaşqadaryo va Samarqand viloyatlari ayrim tumanlarida iyun oyi uçun maksimal havo harorati böyiça yangi rekordlar örnatilgan.

Kunlarning anomal darajada isib ketişi öz-özidan konditsioner va sovitiş qurilmalariga bölgan ehtiyojni oşiradi, elektr energiyasi bilan işlaydigan bunday jihozlardan yoppasiga foydalaniş esa energetika tarmoğiga yuklama ortib ketişiga olib keladi. Xöş, tizim bunday bosimga tayyormi?

Uzilişlar

Keyingi kunlarda Toşkent şahrining qator hududlarida energiya ta’minotida uzilişlar kuzatila boşladi. Töğri, uzilişlar hozirça uzoq vaqt davom etayotgani yöq, ammo şu kabi holatlar hali anomal issiq qaytmay turib, tarmoq kuçlanişga çidab bera olmayotganiga işora qilmoqda.

Elektr ta’minotidagi uzilişlar iyun oyida ham