Toshkentda avtobus va 2 ta yengil avtomobil to‘qnashdi

Yunusobod tumani THAY ko‘chasida sodir bo‘lgan YTH haqida ma’lumot berildi.

Foto: Toshkent shahar IIBB YHXB

2022 yil 24 avgust kuni soat 17:00 larda Toshkent shahar Yunusobod tumani THAY ko‘chasida yo‘l-transport hodisasi sodir bo‘lgan.

Toshkent shahar IIBB Yo‘l harakati xavfsizligi boshqarmasi xabariga ko‘ra, 1978 yilda tug‘ilgan T.Sh. boshqaruvidagi “SAZ LE60” rusumli yo‘lovchi tashuvchi avtobus, 1981 yilda tug‘ilgan U.R. boshqaruvidagi “Damas” rusumli va 1988 yilda tug‘ilgan M.R. boshqaruvidagi "Matiz" rusumli transport vositalari ishtirokida yo‘l-transport hodisasi sodir bo‘lgan.

YTH natijasida "Matiz" haydovchisi, “Damas” yo‘lovchisi va avtobusning ikki nafar yo‘lovchilari tan jarohati olib, shifoxona olib borilgan.