Qoraqalpog‘istonlik yoshlar uchun barcha oliygohlarga alohida 6,5 mingta qabul kvotalari joriy etiladi

Qoraqalpog‘istonda ta’limni rivojlantirish va yoshlarni qo‘llab-quvvatlash bo‘yicha takliflaridan kelib chiqib, prezident mutasaddilarga tegishli topshiriqlar berdi.

Foto: Kun.uz

Unga ko‘ra, Qoraqalpog‘istondagi yosh tadbirkorlarga 7 yilgacha muddatga imtiyozli shartlarda ssudalar ajratish yo‘lga qo‘yiladi.

Bo‘sh turgan davlat obektlarida yoshlar va xotin-qizlarni xorijiy tillar va IT sohasiga o‘qitish kurslarini tashkil etish imkoniyati yaratiladi, ushbu obektlar tadbirkorlarga 5 yilgacha bepul foydalanishga beriladi.

Qo‘ng‘irot, Nukus va Chimboy tumanlarida 4 ta “Ishga marhamat” mono-markazlari tashkil etiladi.

Faqat Qoraqalpog‘istonlik yoshlar uchun mamlakatdagi barcha oliygohlarga alohida 6,5 mingta qabul kvotalari joriy etiladi.

Prezident Qoraqalpog‘istondagi ehtiyojdan kelib chiqib, ekologiya, qishloq xo‘jaligi, irrigatsiya, qurilish sohalarida tayanch doktoranturada qo‘shimcha kadrlar tayyorlashni yo‘lga qo‘yishga topshiriq berdi.

Tayyorlagan Отабек Матназаров

#Qoraqalpog‘iston #abituriyent

1-2 iyul kunlari Qoraqalpog‘iston markazi Nukus shahrida tartibsizliklar kuzatildi. Milliy gvardiya xodimlari bilan to‘qnashuvlarda 200 dan ortiq kishi yaralangan, 18 kishi halok bo‘lgan.