Ma’mun akademiyasi Xivadagi me’moriy yodgorliklar bo‘yicha baza ishlab chiqdi

Xorazm Ma’mun akademiyasi olimlari tomonidan Xiva shahridagi me’moriy yodgorliklar holati bo‘yicha elektron ma’lumotlar bazasi ishlab chiqildi.

Foto: Dunyo

Unda Xiva tarixiy me’moriy obidalari va ularning texnik holatiga oid ilmiy asoslangan ma’lumotlar keltirilgan.

Ma’lumotlar bazasi «Ichan-qal’a» va «Dishan-qal’a» hududida joylashgan tarixiy me’moriy yodgorliklar texnik holatini o‘rganishga doir kompleks ilmiy tadqiqotlar asosida tayyorlangan. Elektron ma’lumotlar bazasidan YuNeSKO Umumjahon madaniy merosi ro‘yxatiga kiritilgan «Ichan-qal’a boshqaruv rejalarini ishlab chiqish harakat rejasi» xalqaro loyihasini bajarishda va Xiva tarixiy-me’moriy yodgorliklarni ta’mirlash ishlarida amalda keng foydalanilgan.

Katalog tarzida tayyorlangan elektron ma’lumotlar bazasiga Xivadagi jami 94 ta tarixiy me’moriy yodgorliklar fotosuratlari, texnik holatlari, qurilmalari va ular tarixi bilan bog‘liq yangi ma’lumotlar keltirilgan.