Qozog‘iston poytaxti Ostona shahri so‘nggi 60 yil ichida 5 marta nomi o‘zgarib, Ginnesning rekordlar kitobiga kirdi. Bu haqda The Economist nashri xabar bermoqda.
Eslatib o‘tamiz, Qozog‘istonning poytaxti 2019 yilda mamlakatning birinchi prezidenti Nazarboyev sharafiga Nursulton deb atalgandi. Shahar yaqindan boshlab yana Ostona (Astana) deb atala boshladi.
Toshkent mintaqada nomini saqlagan yagona poytaxt
So‘nggi bir asr ichida Markaziy Osiyo davlatlari ichida Toshkent shahridan boshqa Markaziy Osiyodagi poytaxtlarning barchasining nomlari bir necha bor o‘zgargan ekan.
Masalan, 1830 yilda asos solingan va 1997 yilning 10 dekabridan Qozog‘iston poytaxti deya e’lon qilingan Ostona shahrining eng dastlabki nomi 1961 yilgacha Akmolinsk bo‘lgan. Shahar 1992 yilgacha Tselinograd deb atalgan. 1998 yilgacha Aqmo‘la deb nomlangan. 2019 yilgacha — Astana. 2022 yilgacha — Nursulton.
Tojikiston poytaxti — 1676 yilda asos solingan Dushanbe shahri 1929 yilgacha shunday atalgan. Biroq 1929–1961 yillar oralig‘ida Stalinobod deb yuritilgan. 1961 yildan buyon yana Dushanbe. Tojikistondagi ikkinchi yirik shahar — eramizdan avvalgi VII–VI asrlarda asos solingan, qadimda Kiropolis, Esxata nomlari bilan tarixga kirgan Xo‘jand shahri esa 1936 yildan 1991 yilgacha Leninobod deb atalgan.
Qirg‘iziston poytaxti Bishkek shahriga 1823 yilda asos solingan. 1926 yilgacha Pishpek deb atalgan. 1991 yilgacha esa shaharning nomi Frunze bo‘lgan.
