11:27 / 11.11.2022
7023

To‘qayev: “Qozog‘iston barcha davlatlarning hududiy yaxlitligini qat’iy qo‘llab-quvvatlaydi”

Qosim-Jo‘mart To‘qayevning ta’kidlashicha, Turkiy tillar universitetlari ittifoqi shafeligida o‘tkaziladigan II Turkiy universiada 2023 yilda Qozog‘istonda o‘tkazilishi rejalashtirilmoqda.

Foto: Prezident matbuot xizmati

“Qozog‘iston barcha davlatlarning hududiy yaxlitligini qat’iy qo‘llab-quvvatlaydi. Biz barcha chorlov va tahdidlarga birgalikda qarshi turish uchun birdamlik ko‘rsatishimiz kerak. Tashkilotimiz faoliyatini ommaviy axborot vositalari orqali faol targ‘ib qilishimiz zarur. Biz turkiy dunyoda integratsiyani mustahkamlash borasida olib borayotgan ishlar ko‘lamini butun dunyo jamoatchiligiga ko‘rsatishimiz kerak. Bu ishni yetakchi xalqaro agentliklar va mamlakatlarimiz ommaviy axborot vositalari ishtirokida amalga oshirish mumkin.

Tan olish kerakki, tashkilotimiz faoliyati bilan hamma ham yaxshi tanish emas. Ayni paytda turkiy hamkorlik g‘oyasi jahon hamjamiyatining e’tiborini tortmoqda. Dunyoning turli burchaklarida turkiy sivilizatsiya tarixiga oid qimmatli dalillar tobora ortib bormoqda.

Bu xalqlarimizning umumiy merosidir. Shu bois mavjud tarixiy va lingvistik manbalarni o‘rganish va tizimlashtirishni muhim vazifa, deb bilaman. Ilmiy muassasalar o‘rtasida faol hamkorlikni yo‘lga qo‘yishimiz, ularning tadqiqot natijalarini jahon hamjamiyatiga yanada kengroq taqdim etishimiz zarur. Tashkilotimiz faoliyati faqat diplomatik sammitlar va yakuniy hujjatlar imzolanadigan uchrashuvlar bilan cheklanib qolmasligi kerak. Turkiy davlatlar tashkiloti turkiy dunyoni birlashtiruvchi va yaqinlashtiruvchi nufuzli platformaga aylanishi kerak, deb hisoblayman”, — dedi Qozog‘iston prezidenti o‘z nutqida.

Mavzu
Samarqandda Turkiy davlatlar sammiti
11 noyabr kuni Samarqandda Turkiy davlatlar tashkiloti Davlat rahbarlari kengashining yig‘ilishi tashkillashtirildi.
Barchasi
Top