24 noyabr, payşanba kuni Yevropa Ittifoqi parlamenti Strasburgda Belarusdagi huquqiy vaziyat böyiça rezolyutsiyani qabul qildi. Unda Yevroparlament deputatlari Yevrokomissiya va YeI davlatlarini Yevropa Ittifoqi muzlatib qöygan aktivlar, jumladan, Belarus rahbari Aleksandr Lukaşenko, uning oilasi va yaqin şeriklarining aktivlarini musodara qiliş imkonini beruvçi huquqiy mexanizmni yakunlaşga çaqirdi. Uşbu mablağlarni Lukaşenko rejimi qurbonlari va Belarus demokratik muxolifati vakillariga ötkaziş taklif qilinmoqda.
Yevropa Ittifoqining qonun çiqaruvçi organi Belarus diplomatik izolyatsiyasini davom ettirişga, şu jumladan xalqaro taşkilotlarga, şuningdek, YeI va uning davlatlarining öz hududida diplomatik mavjudligini kamaytirişga çaqirdi.
Lukaşenko va unga aloqador şaxslar Ukrainadagi uruş jinoyatlari uçun javobgardirlar, ular xalqaro tribunal va Xalqaro jinoiy sudga tortilişi kerak, deb xabar berdi Yevropa parlamenti. Uning deputatlari Belarusning Rossiyaning Ukrainaga qarşi uruşidagi iştirokini va Rossiya qöşinlarining Belarus hududiga yangi joylaştirilişini keskin qoraladilar.
Yirik Yevropa kompaniyalari yetkazib beruvçilari tomonidan belaruslik mahbuslarning majburiy mehnatidan foydalanganligi munosabati bilan Yevropa Ittifoqi parlamenti Yevropa Ittifoqidagi barça korxonalarni majburiy mehnatdan foyda köruvçi har qanday Belarus yetkazib beruvçilari bilan munosabatlarni töxtatişga çaqirdi. Deputatlar Yevropa Ittifoqi kengaşidan Belarusda faoliyat yuritayotgan va ta’minot zanjirlarida majburiy mehnatdan foydalanilayotgan barça kompaniyalarga nisbatan sanksiyalar joriy etişga çaqirmoqda.
Yevroparlament na YeIning özi, na uning a’zolari Aleksandr Lukaşenkoni Belarus prezidenti sifatida tan olmasligini eslatib, köpçilik belarusliklar Svetlana Tixanovskayani 2020 yilgi prezidentlik saylovlarida ğolib deb bilişini ta’kidladi. Yevroparlament deputatlari Belarus muxolifati va fuqarolik jamiyatini sözsiz qöllab-quvvatlaşini e’lon qildi. «Ukrainaning ğalabasi Belarusdagi demokratik özgarişlarni tezlaştiradi», deyiladi rezolyutsiyada.
Parlament a’zolari Yevropa komissiyasi va Yevropa Ittifoqi davlatlaridan mamlakatning demokratiyaga ötiş jarayoniga tayyorgarlik köriş uçun demokratik muxolifat, fuqarolik jamiyati, huquq faollari va mustaqil ommaviy axborot vositalari vakillarini Belarus va xorijda qöllab-quvvatlaşda davom etişni söradi.
