Toshkentdan Moskva, Istanbul, Dubay va boshqa shaharlarga rejalashtirilgan reyslar kechiktirildi.
26 noyabr kuni Toshkentda tumanli ob-havo hukm surayotgani sababli Uzbekistan Airways rejalashtirgan bir qator reyslar kechiktirildi. Bu haqda aviakompaniya axborot xizmati xabar qildi.
Qayd etilishicha, shu kuni Toshkent xalqaro aeroportining noqulay ob-havo sharoiti tufayli Uzbekistan Airways’ning HY-051 Toshkent–Urganch, HY-011 Toshkent–Nukus, HY-603 Toshkent–Moskva, HY-271 Toshkent–Istanbul, HY-779 Toshkent–Bishkek, HY-333 Toshkent–Dubay, HY-5311 Toshkent–Jidda, HY-231 Toshkent–Frankfurt, HY-031 Nukus–Mo‘ynoq reyslari majburiy kechiktirildi.
HY-081 Toshkent–Farg‘ona, HY-9685 Toshkent–Sochi, HY-341 Toshkent–Sharm ash-Shayx va HY-717 Toshkent–Dushanbe o‘z yo‘nalishi bo‘yicha jo‘nab ketgan. HY-052 Urganch–Toshkent, HY-012 Nukus–Toshkent, HY-718 Dushanbe–Toshkent, HY-604 Moskva–Toshkent, HY-272 Istanbul–Toshkent, HY-780 Bishkek–Toshkent, HY-334 Dubay–Toshkent, HY-342 Sharm-ash-Shayx–Toshkent, HY-5312 Jidda–Toshkent, HY-232 Frankfurt–Toshkent, HY-032 Mo‘ynoq–Nukus kechikish bilan amalga oshirilishi ma’lum qilingan.
Bundan tashqari, rejalashtirilgan HY-048/HY-047 Samarqand–Namangan–Samarqand va HY-275/HY-276 Samarqand–Istanbul–Samarqand qatnovlari ham kechikib amalga oshiriladi.
27 noyabr aviakompaniya matbuot xizmati kechiktirilgan reyslar bo‘yicha qo‘shimcha ma’lumot berdi.
Unga ko‘ra, 27 noyabr kuni Farg‘ona va Namangan xalqaro aeroportlarida ob-havo sharoiti hali ham noqulayligi (tuman, ko‘rishning yetarli darajada emasligi) tufayli HY-093 Toshkent–Namangan, HY-9801 Namangan–Perm, HY-081 Toshkent–Farg‘ona, HY-339 Farg‘ona–Dubay qatnovlari majburiy kechiktirilmoqda.
Texnik sabablarga ko‘ra HY-271 Toshkent–Istanbul reysi tez orada o‘z yo‘nalishi bo‘yicha jo‘nab ketadi. HY-272 Istanbul–Toshkent reysi ham kechikish bilan amalga oshiriladi.
HY-9802 Perm–Namangan, HY-340 Dubay–Farg‘ona va HY-082 Farg‘ona–Toshkent reyslari ham kechikib amalga oshiriladi.
Uzbekistan Airways aviakompaniya uchun yo‘lovchilar xavfsizligi yuqori o‘rinda turishini eslatib, keltirilgan noqulayliklar uchun yo‘lovchilar va ularni kutib oluvchilardan uzr so‘ragan.
