Messi penaltidan gol urolmadi, ammo Argentina guruhda birinçi böldi. Polyaklar saudiyaliklarning golini nişonladi va pley-offda qatnaşadigan böldi. Endi Argentina Avstraliya bilan, Polşa — Fransiyaga qarşi öynaydi.
JÇ-2022. S guruhi. 3-tur
Polşa — Argentina 0:2
Gollar: Makallister (49), Alvares (67).
Aniq ijro etilmagan penalti: Messi (39).
Polşa – Şçensni, Keş, Glik, Kiver, Bereşinski (Yenjyeyçik, 72), Zelinski, Frankovski (Kaminski, 46), Krixovyak (Piontek, 83), Belik (Şimanski, 62), Levandovski, Sviderski (Skuras, 46).
Argentina – Martines, Molina, Otamendi, Romero, Akunya (Talyafiko, 59), De Paul, Makallister (Almada, 84), Fernandes (Pesselya, 79), Di Mariya (Paredes, 59), Messi, Alvares (Martines, 79).
Ogohlantirişlar: Akunya (49), Krixovyak (78).
Argentina birinçi turda işonçni oqlamagan va köpçilikning hafsalasini pir qilgandi. Har qanday jamoa raqib imkon bergan darajada öynaşi haqidagi oqlovçi nazariyani esa Braziliya misoli inkor etadi. Braziliyaga ham asosiy e’tiborni raqib öyinini buzişga qaratgan jamoalar qarşi çiqdi, ammo pentakampeonlar serblar bilan öyinda ham, şveysarlarga qarşi ham töla kuç bilan öynamagan holda natijaga erişdi. Argentinani esa Meksika qarşi öyinda Messining uzoq masofadan yöllagan dohiyona zarbasi halokatdan qutqarib qoldi.
Aytiş kerakki, Leo öşa öyindan keyin jamoadagi muammolar haqida gapirişdan tortinmadi. U jamoaga natija uçun javobgarlik yuqoriligi xalal berayotgani va birinçi bölim davomida böş hududlarga ega bölmaganini aytdi. Sardorning sözlarida optimizm bölsa ham, u tan oldi: Janubiy Amerika çempionlari doim ham özining eng yaxşi öyinini namoyiş eta olmayapti.
Boş murabbiy Lionel Skaloni esa Meksikaga qarşi öyindagi boşlanğiç tarkibni yana özgartirdi. Bu safar ham Dibala zaxirada qoldi, u taktik sabablarga köra öynamayapti. Lekin tarkibga Molina, Romero, Fernandes va bolaligida Messi va Di Mariya bilan suratga tuşişdan xursand bölgan, endi esa ular bilan jahon çempionatida bir jamoada töp tepayotgan Alvares qöşildi.
Birinçi turdan keyin tarkibda beş özgariş qilingandi, ikkinçi turda boşlanğiç tarkibda öynaganlardan tört nafari uçinçi tur öyiniga tuşirilmadi — murabbiy optimal tarkibni aniqlaş uçun izlanişda davom etmoqda. Qolaversa, hatto Saudiyaga qarşi öyinda oçiq futbol namoyiş etmagan va birinçi navbatda öz darvozasi daxlsizligini öylagan pragmatik Polşani qandaydir yöl bilan doğda qoldiriş talab etilardi. Polşaliklar darvozaboni Şçensni dastlabki ikki turda öz vazifasini a’lo darajada uddaladi. Ikki turdan keyin faqat u va brazillar posboni Alissongina öz darvozasi daxlsizligini saqlab qoldi, marokaşliklar ham hali gol ötkazmagan, ammo afrikaliklarning ikki öyinida ikki xil darvozabon öynagan.
Mavzuga oid
Şçensni bu öyinni jarima maydoniga yorib kirgan Messining kuçli zarbasini qaytariş bilan boşladi.
Messi 🆚 Lewandowski
See the highlighs from Argentina's 2-0 win over Poland on FIFA+
Zarba ötkir burçakdan turib yöllangan va bunday holatda gol uriş imkoni past bölgan bölsa ham, bu polşaliklar uçun ijobiy signal edi. Ammo yanada muhimi bu turnirda Argentina ilk bor yana tetik, harakatçan va ançayin tajovuzkor körindi. Jamoa Amerika Kubogi finalida bölgani kabi uçib öynadi va töqnaşuvlardan qoçmadi. Va vaziyatlar ham yuzaga keldi.
Ammo Şçensni yuqori darajada öyin namoyişda davom etdi. U Di Mariyaning burçakdan töğridan töğri darvozaga yöllagan zarbasini xotirjamlik bilan olib çiqdi. Himoyaçilar ortida oçilgan Alvaresni töxtatib qoldi. Tortdagi bezak esa — Messiga penaltidan gol urişga yöl qöymasligi böldi, bu penalti esa ijtimoiy tarmoqda keng muhokama qilindi. Köpçilikning fikriça darvozabon töpga otilganida argentinaliklar «önligi»ning yuziga qöli tegişi bunday jazoga munosib emasdi, çunki bu vaqtda Messi boş bilan zarba berib bölgandi.
Lekin bu endi dolzarb emas. Messi «nuqta»dan gol urolmadi va golli seriyasini töxtatdi. E’tiborli tomoni, Leo jahon çempionatlarida özi tepgan uçta penaltidan ikkitasida xato qilgan.
Bu drama bilan yakunlanişi mumkin edi, ammo birinçi bölimda sakkiz zarbani tösgan darvozabonga ikkinçi bölim boşlanişi bilan Makallister gol urdi. Bu hujum esa Di Mariya tomonidan öylab topildi, u Molina bilan kombinatsiya amalga oşirib, yarimhimoyaçini zarba beriş nuqtasiga çiqardi.
Argentinaliklarning yangi avlodi bu öyinda özini körsatdi. Ikkinçi gol ikki Fernandes va Alvares tomonidan uyuştirildi.
Agar Skaloni şu öyinda tanlangan tarkibda töxtalsa, bu keyingi öyinlarda muvaffaqiyat garovi bölişi mumkin.
Öyin davomida qulay vaziyatlardan foydalana olmagan Alvares va Lautaro Martines endi pley-offda imkon qadar aniqroq harakat qilişi talab etiladi, janubiy amerikaliklar guruhda birinçi örinni egallaşdi va Avstraliyaga raqib böldi.
Polşa esa bu öyinda boşqa gol ötkazmaslik uçun öynadi (töpga egalik qiliş böyiça körsatkiç 27-73, zarbalar böyiça 4:25, aniq zarbalar böyiça 0:13) va töplar nisbati evaziga Meksikani guruhda qoldirib ketdi. Öyinda birorta vaziyatga ega bölmagan Levandovski va jamoa amaldagi jahon çempionlari Fransiyaga röbaru kelişadi.
Meksika oxirigaça pley-offga yaqin edi, ammo yakunda qariyb 30 yillik seriyaga barham berişga majbur böldi
Saudiya Arabistoni — Meksika 1:2
Gollar: Ad Dovsari (90+5) — Martin (47), Çaves (52).
Saudiya Arabistoni – Al Ovays, Al Ğanam (Bahebri, 88), Tombakti, Al Amri, Al Bulayhi (Şarahili, 37), Abdulhamid, Ad Dosari, Al Hasan (Madu, 46), Kanno, Al Birakan, Aş Şahri (Al Obid, 62).
Meksika – Oçoa, Sançes (K.Alvares, 86), Moreno, Montes, Galyardo, Çaves, Pineda (Rodriges, 77), E.Alvares (Funes, 86), Losano, Martin (Himenes, 77), Vega (Antuna, 46).
Ogohlantirişlar: Alvares (16), Aş Şahri (28), Al Hasan (34), Tombakti (52), Madu (81), Bahebri (90+7).
Meksikaning 1994 yilda AQŞdagi turnirda boşlangan va qatorasiga yetti jahon çempionatida davom etgan seriyasi, jamoa barqaror ravişda guruhdan çiqib, 1/8 finaldan ortga qaytgani haqida yetarliça gapirildi. Qayd etiş kerakki — bu 28 yillikda qatorasiga yetti bor guruhdan çiqiş bilan faqat Braziliya maqtana olişi mumkin edi (2022 yilgi mundialda ular sakkizinçi bor pley-offga çiqdi). Niderlandlar ham hamişa keyingi bosqiçga yöl olişgan, ammo yevropaliklar JÇ-2002 va JÇ-2018 turnirlarini ötkazib yuborişgandi. Germaniya, Fransiya, Ispaniya, Italiya, Angliya, Portugaliya, Argentina va Urugvay kabi top-jamoalar esa kamida bir marta guruh bosqiçida qolib ketişgan.
Bu öyinda Saudiya Arabistoniga ham ğalaba kerak edi. Durang ham arablarga 1/8 final uçun imkoniyat qoldirardi, ammo bu holatda Argentina va Polşa örtasidagi parallel uçraşuvda kerakli hisob qayd etilişiga umid qiliş kerak edi. Masalan, polyaklar ğalabasiga köproq, lekin boşqa variantlar ham bor edi. Meksika esa faqat ğalaba qozonişi talab etilardi, şunda ham ğalaba aql bovar qilmas seriyani davom ettirişni kafolatlamasdi — baribir raqiblarning özaro öyiniga ham e’tibor qaratiş kerak edi.
Bunday vaziyatda jamoalardan hujumkor öyin kutilardi va amalda ham şunday böldi — 8-daqiqaga keliboq Meksika va Saudiya Arabistoni bir martadan darvoza sohasiga aniq zarbalar yölladi, lekin Aleksis Veganing vaziyati ança xavfliroq çiqdi.
Ammo köp ötmay bu öyinda ikki tomon gollar borasida quvlaşmaçoq öynamoqçi emasligi ayon böldi. Meksika töpni nazorat qildi (öyinning taxminan 70 foizida töpga egalik qilindi) va saudiyaliklar himoyasini yorib ötiş uçun muntazam bosim uyuştirildi. Osiyo vakillari esa qahramonlarça mudofaalanişdi, futbolçilarning barçasi fidoyilik körsatib öynadi. Meksikaliklarning birinçi bölimdagi 11 zarbasidan beştasi himoyaçilar tomonidan tösildi. Qolaversa, Saudiya Arabistoni bu çempionatda jarohatlardan aziyat çekmoqda. Argentina bilan öyinda Yasir Al-Şahroniy öz jamoasi darvozaboni bilan töqnaşib safdan çiqqandi, şuningdek sardor Salmon Al-Faroj jarohat olgandi. Meksika bilan öyinda esa birinçi bölimdayoq öng qanot himoyaçisi Ali Al-Bulayhi oyoğini qayirib olib, almaştirişni söradi.
Ikki jamoa ham Argentina va Polşa uçraşuvidagi vaziyatga qaragan holda harakatlanişga majbur edi va Aleksis Makallisterning ikkinçi bölim boşidayoq urgan goli Meksikani bor kuç bilan oldinga taşlanişga undadi — bunday holatda KONKAKAF vakillari «+3» gol farqi bilan ğalaba qozonişi talab etilardi, saudiyaliklarni ham endi durang qoniqtirmasdi.
«974» stadionida kelgan xabar Meksikani uyğotdi va jamoa öz oldidagi vazifani hal qilişga kirişdi. Standartlar yordam berdi: burçak zarbasidan keyin Enri Martin Sesar Montesning tovon bilan bergan bergan pasini golga aylantirdi, köp ötmay Luis Çaves jarima zarbasidan şedevr gol urdi — 26-28 metrdan zarba yöllab, yuqori burçakni aniq nişonga oldi.
Parallel uçraşuvda hisob argentinaliklar foydasiga 2:0 körinişiga kelgaç, barçasi JÇ-2018 guruhlaridan biridagi vaziyat takrorlanişiga yaqinlaşdi, öşanda Yaponiya Senegalni kamroq sariq kartoçk olgani tufayli ortda qoldirgandi. Bu vaziyatda afrikaliklar örnida Meksika edi — Polşa bilan barça vaziyatlar böyiça tenglik holatida (4 tadan oçko, töplar nisbati 2-2 va özaro öyinda durang) ular jarima ballari tufayli ortda qolardi - öyindan oldin polşaliklarda 4 ta, meksikaliklarda 6 ta sariq kartoçka bor edi (jamoalar oxirgi tur öyinlarida yana bittadan sariq işlaşdi). Bu vaziyatda Meksika özi uçinçi golni urişi yoki bu işni Argentina qilişiga umid qilişi kerak edi.
Agar polşaliklar öz öyinida bitta qizil kartoçka olganida uçinçi öringa tuşib ketgan bölardi (1 ta sariq kartoçka uçun 1, 2 ta sariq kartoçka olib çetlatilganlik uçun 3, töğridan töğri qizil kartoçka körsatilganda 4, avval sariq, keyin qizil kartoçka olinganda 5 jarima balli hisoblanadi). Agar sariq kartoçkalar soni tenglaşib qolganida pley-offga çiquvçi jamoa qur’a taşlaş yöli orqali aniqlangan bölardi.
Ammo unisi ham, bunisi ham röy bermadi, garçi Meksikada hisobni yiriklaştiriş uçun vaziyatlar yetarli bölgan bölsa-da. Meksikaliklar öyin davomida 25 bor zarba berdi (raqibda 10 ta), şundan 10 tasi darvoza sohasiga aniq bordi (raqibda 2 tasi), ammo şu kuni Al-Ovays öz işini yaxşi bajardi. Meksikaliklarning ikki goli öyindan taşqari holat qayd etilişi tufayli bekor qilindi va bu jahon çempionatida ofsaydni aniqlaşning yarimavtomat tizimi borligda bu qarorlarga e’tiroz qilişdan naf yöq. Meksikaliklar uçinçi golni uriş uçun butun e’tiborni hujumga qaratdi, lekin qöşimça daqiqalarda gol ötkazib yubordi, Salim Ad-Dovsariy qarşi hujumda jamoa muxlislariga yupanç böluvçi golni urdi.
Natijada meksikaliklar köproq sariq kartoçka olib yuborgani uçun emas, töplar nisbatidagi farq tufayli turnirni tark etadigan böldi.
Fransuzlarga bu öyinda natija kerak emasdi. Faqat giperfantastik ssenariy amaldagi jahon çempionlarini guruhdagi birinçi örindan tuşirib yuborişi mumkin edi, ammo pley-offdan emas. Şu tufayli Dide Deşam tarkibda rotatsiya qilişini kutiş mumkin edi: «Uçranglilar» şusiz ham jarohatlardan eng köp aziyat çekkan jamoa, şu tufayli 1/8 final arafasida qolgan yetakçilar bilan tavakkal qiliş örinsiz edi.
Şu bilan birga, asosiy tarkib futbolçilari öynaşni istaşardi. Masalan, avvalgi öyinlarda uç gol urgan va «Oltin butsa» uçun yaxşi imkoniyat hosil qilgan Mbappe Tunisga qarşi öyinni ötkazib yuborişni istamadi. Ammo Fransiyaning asosiy hujumçisi soğligidagi kiçik muammo tufayli baribir zaxira örindiğida qolişga rozi böldi.
Mbappe va yana asosiy tarkibning bir neça yetakçilariga dam berilişini töğri tuşuniş mumkin. Ammo Deşam jamoa özagini özgartiruvçi rotatsiyalar amalga oşirdi: Daniya qarşi öyin boşlanğiç tarkibida bölgan töqqiz futbolçi zaxirada qoldi. Faqat Varan va Tçuameniga tegilmadi. Hatto darvozabon özgartirildi: Lloris örniga qarilik bilmas Mandanda tuşdi. Hujumda «Ayntraxt» forvardi Kolo Muani paydo böldi, «Monako» himoyaçisi esa Disasi terma jamoadagi debyutini jahon çempionatida nişonladi.
Zaif çap qanot va afrikaliklar bosimi
Fransuzlar tarkibi şunda ham nomlarga köra tunisliklardan kuçliroq edi, ammo bu tarkibda özaro öynaş könikmasi yöq edi. Yevropaliklar çap qanotida Kamavinga tuşdi — bu «Real» yarimhimoyaçisi uçun begona pozitsiya, Deşam uni faqat bir neça örtoqlik uçraşuvida şu ampluada öynatib körgan. Ammo boşqa çiqiş yöli yöq edi: Lyuka Ernandes jarohat olgan, Teoga dam berildi, tarkibda boşqa çap qanot futbolçisi topilmadi.
Arablar esa fransuzlarning aynan şu qanotiga bosim uyuştirdi. Kamavinga esa iştiyoqmand raqibning bosimiga bazör bardoş berdi. Umuman olganda, Tunis ikki karra iştiyoq bilan öynadi: birinçidan, ularni faqat uç oçko pley-offga olib çiqişi mumkin edi, ikkinçidan, raqib sobiq mustamlakaçi edi — tarkibdagi futbolçilarning ön nafari Fransiyada muhojirlar oilasida tuğilgan.
Ulardan biri — Tunis termasi tarixidagi ikkinçi eng yaxşi töpurar Vahbi Hazri. U negadir dastlabki ikki turda zaxira örindiğida qolgan, bu safar esa boşlanğiç tarkibda paydo bölib, afrikaliklar jamoasi hujumini butunlay özgartirdi.
Umuman olganda, Tunis avvalgi ikki uçraşuvga qaraganda ança dadil öynadi. Birinçi bölimda öyinning 55 foiz vaqtida afrikaliklar töpga egalik qilgani ham buni yaqqol ifodalaydi. Vaziyatlar ham yuzaga keldi: Gandri gol urdi, ammo ofsayd qayd etildi, Hazri esa burçak zarbasidan darvoza törini işğol etişiga bir baxya qoldi.
Ikki daqiqa ikkinçi örinda
Öyinning ikkinçi bölimida Fransiyaning ikkinçi tarkibi töpni nazorat qila boşladi, ammo xavfli vaziyatlar yaratilmadi — faqat Koman yarimta imkoniyatga ega böldi. Tunis esa Mandanda turgan jarima maydoniga burçakdan tinimsiz uzatmalar berdi. Birinçi bölim kabi, ikkinçi bölim boşini ham birinçi raqamda boşlagan Tunis 58-daqiqada öz golini urdi — Hazri hisobni oçdi.
Ammo arab muxlislarning quvonçi uzoqqa çözilmadi. Tunis amaldagi çempionlar darvozasini işğol etib, ikkinçi öringa kötarilgandi, ammo ikki daqiqa ötib parallel uçraşuvda Avstraliya Daniyaga gol urdi va afrikaliklar yana pley-offdan taşqarida qoldi.
Hisob 0:1 bölganida Deşam xato qilganini anglab yetdi. Bunday vaziyatda Tunisga mağlub böliş şarmandalik emas, ammo yoqimsiz ham. Şu tufayli maydonga odatiy taniş yuzlar çiqib keldi: Mbappe, Rabo, Grizmann, Dembele. Tabiiyki, Damen qöriqlayotgan darvozaga bosim sezilarli darajada oşdi. Tunisliklar darvozaboni va himoyaçilari katta qiyinçilik bilan yevropalik yulduzlarga qarşi turişdi. Holbuki Mbappening özi ikkita gol urişi ham mumkin edi.
Qöşimça daqiqalarda Tunis zaxira örindiğidagilar maydondagi vaziyatni emas, parallel uçraşuv translatsiyasini kuzatişayotgandi, afrikaliklar uçun daniyaliklar durang qayd etişi talab etilardi. Ammo Avstraliya turib berdi. Tunis ham — bu ğalaba ularga kerakli natija keltirmagan bölsa-da, muxlislar uçun afsonaviy bölib qoladi.
Öyinga qöşib berilgan daqiqalar yakunlanişiga ön soniya qolganida Grizmann darvozani işğol etdi, ammo videotakrordan keyin gol bekor qilindi.
Tunis Qatarni tark etadi, ammo jamoa özi haqida yaxşi taassurot qoldirdi.
Zerikarli Daniya jahon çempionatida hafsalani pir qildi. Avstraliya kutilmaganda pley-offga çiqdi
2018 yilgi jahon çempionatida ham Daniya va Avstraliya bir guruhdan joy olişgan va murosa yölini tanlaşgandi (1:1). Öşanda öyin ikkinçi turda bölib ötgan va skandinavlarni turnir strategiyasi nuqtayi nazaridan durang hisob ham qoniqtirardi. Hozir esa — ikki turda birgina oçko olgan jamoani faqat ğalaba qoniqtirardi. Lekin daniyaliklarning hozirgi holati bir yarim yil oldin Kristian Eriksen bilan boğliq dramadan keyin jisplaşib, Yevro-2020 yarimfinaliga qadar yetib borgan jamoani faqat epizodlarda eslatib turdi.
Qatarda Tunisga qarşi birinçi öyindan keyin daniyaliklar boş murabbiyi Kasper Yulmann jamoasi juda sekin öynagani uçun uzr ham söragandi. Fransiya bilan öyindan keyin esa jamoasi hujumda qançalik yaxşi öynay olişi va ixtiyorida yuqori saviyali hujumçilar borligini eslatib ötdi. Şu bilan birga tan oldi: endi Daniya devorga taqalgan. Yakuniy tur oldidan u jamoa boşdan keçirayotgan ulkan bosim haqida aytib ötdi.
Va maydonda ham bu sezildi, çunki daniyaliklar avval osongina hal etadigan epizodlarda şoşqaloqlik qilişdi. Natijada yöqotişlar va texnik xatolar yuzaga keldi, bu esa avstraliyaliklarning hayotini sezilarli darajada osonlaştirdi. Yaşil qit’a vakillari Tunisga qarşi öyinda himoyalanişda köproq qiynalişgandi, daniyaliklarga qarşi birinçi bölim osonroq keçdi.
Bu öyinda «Sokkeruz»ga jiddiy muammo tuğdira olgan futbolçilar çap qanotdagi Mele va unga yordam körsatgan Lindstrem böldi. Lekin ularning sa’y-harakatlari natija keltirmadi. Yirik turnirda ançadan buyon favorit jamoa bu qadar hafsalani pir qilmagandi. Hatto Qatar barçaga yutqazib turnirni tark etgan bölsa-da, muxlislarga yoqadigan futbol namoyiş etgandi. Bu yerda esa parallel öyinda Tunis gol urib, Avstraliyani durang qoniqtirmaydigan bölib qolganida, sariq-yaşil libosdagi futbolçilar darhol taşabbusni qölga olişdi va öz golini urişdi.
Grem Arnold jamoasi bungaça ham maydonning öz qismiga qamalib olmagan va imkoniyat tuğilişi bilan hujumga yugurayotgandi. Avstraliya şunçaki öz kuçini töğri taqsimlab, töğri futbol öynadi va imkoniyatidan kelib çiqib harakat qildi. Muvaffaqiyatli qarşi hujumda Leki maydon markazida oçildi va töpni raqib jarima maydoniga olib borib, himoyaçilarni çalğitib, Melening oyoği orasidan töpni ötkazib zarba yölladi. Şmeyhel kuçsiz zarbani qaytara olmadi.
Yulmann nimadir öylab topişga urindi va hatto Eriksenga xat jönatdi. Ammo amalda murabbiy qanot futbolçilarini almaştirib va hujum çiziği vakillari sonini oşirib ham heç narsaga erişa olmadi. Dolberg jarima maydonida yiqilganida daniyaliklarda imkoniyat paydo bölgandek edi. Ammo avvaliga 11 metrlik nuqtani körsatgan arbitr yordamçisiga nazar taşladi va ofsayd tufayli bir lahzada qarorini özgartirdi.
Daniya şunçaki maydonda nima qilişini bilmadi va JÇ-2022 turnirining eng zerikarli jamoasi maqomini öziniki qildi. Avstraliyaliklar esa Arnoldning körsatmalarini aniq bajarişdi. Öyindan keyin murabbiy şunday dedi: «Ayni vaqtda biz hali heç narsaga erişmadik. Biz şu yerda qolamiz va imkon qadar uzoqroqqa borişni xohlaymiz. Menga futbolçilarning hissiyotlari — tun böyi uxlamasdan, ijtimoiy tarmoqlarni kuzatişi va boşqa yumuşlar bilan band bölişi kerak emas. Men ular tiklanişi va navbatdagi öyinga tayyor bölişini xohlayman».
59 yoşli Arnold Avstraliya futboliga 16 yil ötib yana xursandçilik keltirdi, 2006 yilgi turnirda Guus Hiddink boşqaruvidagi «Sokkeruz» ilk bor guruhdan çiqqandi. Öşa vaqtda uning yordamçisi bölgan Arnold esa undan örganganlarini hayotga tatbiq etmoqda, niderlandiyalik mutaxassis esa unga maslahat berişdan töxtamagan, u sentabr oyida Yangi Zelandiyaga qarşi nazorat bahsini zaxira örindiğida ötirib kuzatgandi.
Daniya esa birgina gol va birgina oçko bilan Qatardagi iştirokini yakunladi.
