“O‘zbekneftgaz”: elektr tarmoqlarida elektr ta’minotining uzilishi natijasida tabiiy gaz qazib chiqarish va qayta ishlash qurilmalari avariyaviy holatda to‘xtadi

Buning natijasida, jamiyat tasarrufidagi “Sho‘rtan neft va gaz qazib chiqarish boshqarmasi”ga qarashli 1-sonli “Sho‘rtan” (Betman) siquv kompressor stansiyasidagi 100 va 200-sonli gaz haydash agregatlari, 2-sonli “Sho‘rtan” (KMPO) siquv kompressor stansiyasidagi 200 va 500-sonli gaz haydash agregatlari, “Shimoliy Nishon” siquv kompressor stansiyasidagi 100, 200, 300 va 400-sonli gaz haydash agregatlari va “Sho‘rtan” bosh inshootida joylashgan tovar gazni magistaral gaz quvurlariga haydash uchun mo‘ljallangan siquv kompressor stansiyasidagi 300-sonli gaz haydash agregati (jami 9 ta gaz haydash agregatlari), hamda 1-sonli “Propan butan aralashmasini ajratib olish qurilmasi” me’yoriy ish rejimidan avariyaviy holatda to‘xtadi.

Ushbu holat, “Sho‘rtan neft va gaz qazib chiqarish boshqarmasi” tomonidan qazib va ishlab chiqarilayotgan uglevodorodlar hajmiga salbiy ta’sir ko‘rsatib, soatiga 400-500 ming kub metr tabiiy gaz 40 tonna gaz kondensati, 25 tonna suyultirilgan gaz mahsulotlari qazib va ishlab chiqarilmasligiga olib keldi.

Ko‘rilgan tezkor choralar natijasida gaz haydash agregatlari to‘xtab turish vaqtida, “Sho‘rtan neft va gaz qazib chiqarish boshqarmasi” tomonidan “Sho‘rtan gaz kimyo majmuasi” va “Uzbekistan GTL” MChJ zavodlariga yetkazib berilayotgan xomashyo gazi bir maromda yetkazib berish orqali, ushbu zavodlarni avariyaviy holatda to‘xtab qolishi oldi olindi.

Elektr ta’minoti qayta tiklangandan so‘ng, boshqarmaning malakali mutaxassislari tomonidan olib borilgan sa’y-harakatlari natijasida, to‘xtab turgan gaz haydash agregatlari va texnologik qurilmalarni birin-ketin reglament asosida ishga tushirish ishlari olib borilmoqda. Hozirda texnologik qurilmalarning to‘liq ish rejimida ishlashini ta’minlash bo‘yicha barcha zaruriy ishlar olib borilmoqda va “O‘ztransgaz” AJ magistral gaz quvurlariga tabiiy gaz yetkazib berish hajmi bosqichma-bosqich tiklanmoqda.

Avariyaviy holatni bartaraf etish uchun barcha choralar ko‘rilmoqda va bugunning o‘zida qurilmalarning me’riy ish rejimi tiklanishiga erishish choralari ko‘rilmoqda.

“O‘zbekneftgaz”AJ Matbuot xizmatiⓉ