Islom sivilizatsiyasi markazining Ar-Riyodda bo‘linmasi ochiladi

Tadbirdan ko‘zlangan maqsad ikki muassasa o‘rtasidagi hamkorlik aloqalarini mustahkamlash, qo‘lyozma va ilmiy asarlarni birgalikda o‘rganish hamda O‘zbekiston Islom sivilizatsiyasi markazi Ar-Riyodda bo‘linmasini va Podshoh Faysal nomidagi Islom tadqiqotlari markazi Islom sivilizatsiyasi markazida kutubxonasini tashkil etish bilan izohlanadi.

Podshoh Faysal nomidagi Islom tadqiqotlari markazi bosh kotibi o‘rinbosari Ibrohim Dug‘aysir hozirgi kunda O‘ITsM bilan ikki tomonlama aloqalar o‘rnatilganidan mamnun ekanini bildirar ekan, birgalikda ilmiy izlanishlarni olib borish, o‘zaro ma’lumotlar almashish va ikki markaz bo‘linmalari hamda kutubxonalarini ochish muhim ekanini ta’kidladi.