Toshkentda 5 ta markaziy ko‘chada transport harakati vaqtincha cheklanadi

Joriy yil 19 dekabr kuni Toshkent shahridagi qator ko‘chalarda yo‘l yotiq chiziqlari chizilishi rejalashtirilgan.

Toshkent shahar IIBB Yo‘l harakati xavfsizligi boshqarmasi xabariga ko‘ra, shu sababli 5 ta markaziy ko‘chada harakat vaqtinchalik cheklanadi.

Ushbu ko‘chalar:

• Amir Temur ko‘chasi;
• Shahrisabz ko‘chasi;
• Beruniy ko‘chasi;
• Istiqlol ko‘chasi;
• Sh.Rustaveli ko‘chasi.

Haydovchilardan aylanma yo‘llardan foydalanish so‘ralgan.