Koreyadan Farg‘ona va Sirdaryo yong‘in xavfsizligi va tez yordam xizmati uchun mashinalar jo‘natish boshlandi

Avtomobillar Janubiy Koreyadan jo‘natildi va Farg‘ona hamda Sirdaryo viloyatlariga 2023 yilning birinchi choragida yetib keladi. Maxsus avtotransport vositalari O‘zbekiston fuqarolarining xavfsizligi va farovonligi darajasini oshirish uchun ishlatilishi rejalashtirilgan. Janubiy Koreya tomoni har bir avtomashina uchun texnik xodimlarni hududlarga jo‘natib, avtomobillardan foydalanish bo‘yicha ko‘rsatmalar beradi.

2022 yil avgust oyida Janubiy Koreya yong‘in sanoati assotsiatsiyasi, Janubiy Koreyaning TDC Group kompaniyasi va Koreya-O‘zbekiston ishbilarmonlar uyushmasi Toshkent hamda Farg‘ona viloyatlariga ham 6 ta maxsus o‘t o‘chirish  va 2 ta tez tibbiy yordam mashinasi sovg‘a qildi.

Koreya-O‘zbekiston ishbilarmonlar uyushmasi direktorlar kengashi raisi Edvard Kim Koreya yong‘in xavfsizligi boshqarmasi, Koreya yong‘in sanoati assotsiatsiyasi, TDC Group, Eurasia Networks Group kompaniyalari va O‘zbekiston elchixonasi bilan birgalikda O‘zbekiston qo‘llab-quvvatlashga muhtoj hududlariga o‘t o‘chirish va tez tibbiy yordam mashinalarini o‘tkazish bo‘yicha ishlarni kengaytirish va ijtimoiy ta’minot sohasini mustahkamlash bo‘yicha ishlarni davom ettirishini ma’lum qildi.