O‘zbekiston Rossiyadan asosan qaysi oziq-ovqat mahsulotini sotib olayotgani aytildi

O‘zbekistonga 2022 yilning yanvar-noyabr oylarida Rossiyadan import qilingan ayrim turdagi oziq-ovqat mahsulotlari hajmida margarin mahsulotlari birinchi o‘rinni egalladi – 101,4 ming tonna.

Davlat statistika qo‘mitasi ma’lumotlariga ko‘ra, undan keyingi o‘rinlardan mos ravishda 55 ming tonna hamda 30 ming tonna hajmda sotib olingan o‘simlik yog‘i va kakao va shokolad joy oldi.

Ushbu ko‘rsatkich qolgan mahsulotlar kesimida quyidagicha ko‘rinishga ega bo‘ldi:

• bug‘doy – 21,4 ming tonna;
• kartoshka – 15 ming tonna;
• sut mahsulotlari – 12,8 ming tonna;
• parranda go‘shti – 5 ming tonna;
• baliq va dengiz mahsulotlari – 4,5 ming tonna.