O‘tgan yili 1000 ga yaqin o‘zbekistonlik talaba o‘qish uchun AQShga ketdi

2022 yilning 11 oyida 138,9 ming nafar O‘zbekiston Respublikasi fuqarolari o‘qish maqsadida xorijga chiqqan.

Davlat statistika qo‘mitasi ma’lumotlariga ko‘ra, 2022 yilning yanvar-noyabr oylarida o‘zbekistonlik talabalar o‘qish maqsadida eng ko‘p safar qilgan davlatlar orasida Qirg‘iziston birinchi o‘rinni egalladi – 52 291 kishi.

Undan keyingi o‘rinlardan mos ravishda 47 213 kishi hamda 13 128 kishi o‘qish maqsadida borgan Tojikiston va Rossiya joy oldi.

Ushbu ko‘rsatkich qolgan davlatlar kesimida quyidagicha ko‘rinishga ega bo‘ldi:

• Qozog‘iston – 10 646 kishi;
• Turkiya – 5 265 kishi;
• Janubiy Koreya – 4 645 kishi;
• AQSh – 987 kishi;
• Buyuk Britaniya –  971 kishi;
• Belarus R. – 928 kishi;
• Germaniya – 772 kishi.