Rossiya Özbekistondan gaz-transport tizimini “Gazprom”ga berişni söragan - OAV

Özbekiston energetika vaziri Jörabek Mirzamahmudov ham Toşkent Moskva bilan energoresurslar importi masalasida “allaqanday alyans yoki ittifoq” şaklida emas, töğridan töğri ikki tomonlama şartnomalar asosida işlaşni körib çiqayotganini aytgandi.

“Bunda milliy manfaatlardan kelib çiqqan holda, özimizning tarmoqlarni qandaydir birovga berib yuboriş yoki boşqa orqali emas, oldi-sotdi tijoriy şartnomalar asosida hamkorlik qiliş böyiça muzokaralar olib borilyapti”, – degandi vazir dekabr oyi boşida.

Turkmanistondan gaz eksporti tiklanişi aytilmoqda

Gazeta.uz, şuningdek, Turkmanistonning Özbekistonga gaz eksporti töxtab qolgani haqida ham yozgan. Naşr manbalari aytgan versiya şu kunlarda ijtimoiy tarmoqlarda yozilayotgan Rossiyaning Özbekistonga gaz sotmaslik böyiça Turkmanistonga bosim ötkazayotgani haqidagi taxminlarni rad etadi.

Naşrning yozişiça, 12 yanvar kuni Turkmaniston tomoni “Daryaliq” stansiyasi orqali Özbekistonga tabiiy gaz eksportini töxtatgan. Şu kuni Özbekiston rasmiylari “Turkmangaz” davlat konsernidan telefonogramma olgan bölib, unda eksportning töxtaşi konsernning gaz qazib çiqariş korxonalaridagi nosozliklar bilan izohlangan.

Turli manbalarga köra, gaz uzatişning töxtatilişiga sabab – “Galqiniş” gaz kondensati konidagi içki qazib çiqariş kommunikatsiyalarida gidrat hosil bölganidir. Bunaqasi qattiq sovuq şaroitida röy beradi va fors-major holati hisoblanadi, deya tuşuntirgan mutaxassislar.

Oqibatda Turkmaniston nafaqat Özbekistonga, balki “Turkmaniston–Özbekiston–Qozoğiston–Xitoy” quvuriga ham gaz uzatişni keskin qisqartirişga majbur bölgani aytilmoqda.

“Özbekistonda vaqtinça gazni iqtisod rejimiga ötilgan. Ikki mamlakat mutaxassislari texnik masalalarni hal etiş böyiça uzluksiz iş olib bormoqda. Yaqin vaqt içida Turkmanistondan gaz uzatiş tiklanişi kutilmoqda”, – degan naşr manbalari.

Bugun, 14 yanvar kuni Prezident administratsiyasi rahbari Sardor Umrzoqov muzokara ötkaziş uçun Aşxobodga borgani aytilmoqda.

Umrzoqov 12 dekabrda ham gaz masalasida Aşxobodga borib, Turkmaniston prezidenti Serdar Berdimuhammedov bilan uçraşgan edi. Öşanda ikki mamlakat birinçi marta uçinçi tomonning iştirokisiz qisqa muddatli gaz ta’minoti böyiça kelişuvga erişgan edi.

“Özbekistondagi kompressor stansiyalarida jiddiy avariyalar yöq”

9 dekabr kuni Sardor Umrzoqov aholi va iqtisodiyotni kuz-qiş mavsumida energoresurslar bilan ta’minlaş masalalari böyiça ştab yiğilişini ötkazgandi. Yiğilişda administratsiya rahbari “Öztransgaz”ga qaraşli kompressor stansiyalarida 37 ta agregatdan 21 tasi ta’mirtalab ekanini aytgan, energetika vaziri Jörabek Mirzamahmudov va “Öztransgaz” raisi Bekzod Normatovga barça agregatlarni zudlik bilan işçi holatiga keltiriş vazifasini topşirgandi.

Gazeta.uz manbalariga köra, ştab topşiriğidan keyin işlab turgan kompressor stansiyalarining hammasi töliq tekşirib çiqilgan. Natijada kerakli ehtiyot qismlari va mablağlar yöqligi natijasida ta’minlaş grafigida keçikişlar bölayotgani ma’lum bölgan. Aniqlangan kamçiliklarni bartaraf etiş uçun zarur mablağlar ajratilib, ta’mirlaş işlari taşkil etilgan.

“Ötgan vaqt davomida “Gazli”, “Zirabuloq”, “Yangiyer”, “Ohangaron”, “Ğallaorol” va “Muborak” kompressor stansiyalaridagi 13 ta agregat ta’miri yakunlandi. 14 yanvar holatiga “Öztransgaz” kompressor stansiyalarida yana 8 ta gaz haydaş agregati ta’mirlanmoqda.

Ta’mir işlari natijasida gaz-transport tizimining talab darajasida işlaşi töliq ta’minlandi, gaz haydaş agregatlarining qöşimça zaxirasi yaratildi va ulardan zaruratga qarab foydalaniş mumkin. 13 yanvar holatiga kompressor stansiyalarida jiddiy avariyalar kuzatilgani yöq”, – deya ma’lum qilgan naşr manbalari.