19 fevral kuni Toshkentning ayrim ko‘chalarida avtomobillar harakatiga vaqtincha cheklovlar o‘rnatiladi

Toshkentda 19 fevral kuni «Men g‘olib» ommaviy yugurish musobaqasi o‘tkaziladi. Bu haqda poytaxt hokimligi xabar bermoqda.

Shu munosabat bilan 2023 yilning 19 fevral kuni soat 07:00 dan soat 09:30 gacha:

• Xalqlar do‘stligi san’at saroyi oldi maydonidan Furqat ko‘chasi bo‘ylab Beshyog‘och ko‘chasi kesishgan joyigacha;

• Beshyog‘och ko‘chasi bo‘ylab Islom Karimov ko‘chasi bilan kesishgan joyigacha;

• Islom Karimov ko‘chasi bo‘ylab Amir Temur shoh ko‘chasi bilan kesishgan joyigacha;

• Amir Temur shoh ko‘chasi bo‘ylab Amir Temur xiyoboni aylanma yo‘li bo‘ylab Islom Karimov ko‘chasi bilan kesishgan joyigacha,

• Islom Karimov ko‘chasi bo‘ylab Xalqlar do‘stligi san’at saroyi oldi maydonigacha bo‘lgan ko‘chalarda avtomobillarning harakatlanishiga vaqtinchalik cheklovlar o‘rnatiladi.

Haydovchilarga aylanma yo‘llardan foydalanishni tavsiya etilgan.