Toshkentda Yashnobod tumanidagi yo‘lning bir qismi bir oyga yopiladi

Cho‘lpon ko‘chasidan Yangi O‘zbekiston shohko‘chasigacha bo‘lgan yo‘l 4 martdan 4 aprelgacha yopiladi, bu yo‘lni ta’mirlash ishlari bilan bog‘liq.

Foto: Yashnobod tumani hokimligi

Poytaxtning Yashnobod tumani hokimligidan ma’lum qilishlaricha, Cho‘lpon ko‘chasi bo‘ylab olib borilayotgan yo‘l ta’mirlash ishlari munosabati bilan 4 mart kuni ertalab soat 9:00 dan 4 aprelga qadar Cho‘lpon ko‘chasidan Yangi O‘zbekiston shohko‘chasiga olib boruvchi yo‘l qisman yopiladi va avtomashinalarning harakati to‘xtatiladi. Transport harakati «Jarboshi» arkasi orqali yangi yo‘ldan amalga oshiriladi.

Tuman hokimligi yuzaga kelgan noqulayliklar uchun uzr so‘ragan.