Qoʻshimcha funksionallar
-
Tungi ko‘rinish
Polsha MiG-29 qiruvchi samolyotlarini Ukrainaga topshirdi
Polsha Ukrainaga va’da qilingan MiG-29 qiruvchi samolyotlarining birinchi partiyasini topshirdi, deb xabar berdi Polsha prezidentining vakili Markin Pshidach RMF FM efirida.
Foto: AVA
«Mening ma’lumotlarimga ko‘ra, bu jarayon allaqachon yakunlangan, ya’ni bu birinchi qismning topshirilishi. Albatta, kelgusida ehtimoliy yordam va qo‘llab-quvvatlov haqida hali gaplashamiz», - dedi Pshidach.
Varshava aynan nechta samolyot yuborganiga aniqlik kiritilmagan.
Avvalroq Slovakiya ukrainalik harbiylarga dastlabki to‘rtta MiG-29 qiruvchi samolyotini yuborgandi. Bu haqda Slovakiya mudofaa vaziri Yaroslav Nad ma’lum qildi.
Uning so‘zlariga ko‘ra, transportirovka ukrainlik uchuvchilar tomonidan amalga oshirilgan. Samolyotlar Ukraina hududiga yetib borgan.
«Qolgan samolyotlar Ukrainaga yaqin haftalar ichida yetkazib beriladi», — deya qo‘shimcha qilgan Nad va xavfsizlik yuzasidan boshqa tafsilotlarni ochiqlamasligini bildirgan.
Slovakiya Ukraina qurolli kuchlariga jami 13 ta qiruvchi samolyot yetkazib berishni rejalashtirgan.
Rossiya-Ukraina urushi
Mavzuga oid
12:10 / 13.12.2025
Belarusdan yerosti tunneli orqali Polshaga 180 nafardan ortiq noqonuniy migrant kirib keldi
15:31 / 11.12.2025
Polsha dron texnologiyalari evaziga Kiyevga MiG-29 samolyotlarini berish niyatida
13:53 / 11.12.2025
Polshadagi NATO havo himoyasi missiyasi Niderlandiyaga topshirildi
14:31 / 03.12.2025