Toshkentda 16 yoshli qiz 3-qavatdan oyna artayotgan vaqtida yiqilib tushgan - Bosh prokuratura 

Ijtimoiy tarmoqlarda Toshkent shahrida 16 yoshli qiz janjal sabab binoning 3-qavatidan o‘zini tashlagani haqida xabar tarqaldi. Bosh prokuratura tomonidan holat o‘rganib chiqildi.

Aniqlanishicha, joriy yilning 5 aprel kuni Toshkent shahri Yunusobod tumanida yashovchi 9-sinf o‘quvchisi X.M. (16 yoshli qiz bola) yashab kelayotgan uyning 3-qavatida balkon oynasini artayotgan vaqtida ehtiyotsizligi oqibatida yiqilib, tan jarohati olgan.

X.M.ga darhol tez tibbiy yordam ko‘rsatilib, shifoxonaga olib ketilgan. Hozirda voyaga yetmagan X.M.ning ahvoli yaxshi ekani aytiladi.

Mazkur holat yuzasidan sud-tibbiy ekspertizasi tayinlangan. Yunusobod tumani prokuraturasi tomonidan tergovga qadar tekshiruv harakatlari olib borilmoqda.