O‘zbekistonga davlat tashrifi bilan kelgan Singapur prezidenti Halima Yoqub 24 may kuni Toshkentda mamlakatdagi diniy konfessiyalar rahbarlari bilan uchrashdi.
Foto: O‘zA
O‘zAning ma’lum qilishicha, muloqotda O‘zbekiston prezidentining jamoat va diniy tashkilotlar bilan hamkorlik masalalari bo‘yicha maslahatchisi Muzaffar Komilov, Musulmonlar idorasi raisi, muftiy Nuriddin Xoliqnazarov va boshqa diniy konfessiyalar rahbarlari qatnashgan.
Mezbonlar O‘zbekistondagi diniy sohadagi yangilik va qulaylik haqida ma’lumot bergan bo‘lsa, Halima Yoqub diniy bag‘rikenglik borasida O‘zbekistonning tashabbuslari e’tirof etilayotganini qayd etgan.
