Pul jo‘natmalari tizimi ham jo‘natuvchi, ham oluvchining manfaatlarini inobatga olishi lozim. Masalan, pul jo‘natish yoki olish uchun qulay (uy yoki ish yonida joylashgani) ekanligi yetarli emas – boshqa sharoitlarni ham hisobga olish zarur.
Past komissiya
Pul jo‘natmalari tizimini tanlashdagi hal qiluvchi axborot – komissiya miqdori. Ko‘pincha u summaga bog‘liq: qancha ko‘p pul jo‘natsangiz, shuncha kam to‘laysiz. Komissiyasiz jo‘natmalar ham mavjud. Masalan, agar dollar jo‘natadigan bo‘lsangiz, O‘zbekistondan Rossiyaga “Zolotaya Korona” orqali pul jo‘natishni bank bepul amalga oshiradi. Rossiyadan O‘zbekistonga ham shunday.
Pul jo‘natmalari tizimining ommaviyligi
Agar bir-ikkitagina bank bilan ishlaydigan unchalik ommaviy bo‘lmagan pul jo‘natmalari tizimi tanlansa, pul olishda “yugurish”ga to‘g‘ri keladi. Kerakli bank jo‘natma oluvchining uyi yoki ofisidan ancha uzoqda bo‘lishi, binobarin, u ishdan javob so‘rashi, yo‘lga vaqt va kuch sarflashiga to‘g‘ri keladi.
Yaqinda joylashgan banklar qanday tizimlar bilan ishlashini o‘rganing. Shunda siz ularning qay biri ko‘proq ommaviylashganligini tushunasiz. Ko‘zga tashlanmaydigan afzallik: agar yaqiningizdagi bankda navbat uzun bo‘lsa, osongina boshqasiga bora qolasiz.
“Zolotaya Korona” orqali jo‘natmalarni butun respublika bo‘ylab bank bo‘limlarida olish mumkin. Hozirda 2000 atrofida shoxobchalar jo‘natmalar berish bilan shug‘ullanmoqda.
Pulni onlayn olish imkoniyati
Pul jo‘natmalarining mobil ilovalari bankka borishga vaqt sarflamaslikka yordam beradi. Ular orqali mablag‘larning tushgani haqida xabarnoma olishingiz va istalgan paytda kartaga o‘tkazishingiz mumkin. Qoidaga ko‘ra, buning uchun oluvchi qo‘shimcha komissiya to‘lamaydi.
“Korona (6+)” ilovasi Uzcard va Humo so‘m kartalari, valutadagi (chet el valutasida jo‘natma olish kerak bo‘lganda) Visa, Mastercard (jumladan Maestro), UnionPay kartalari bilan ishlaydi. Pul jo‘natishni ham ilova orqali amalga oshirish mumkin.
Ikkita sim-kartasi borlar uchun muhim jihat:
1. Jo‘natmani rasmiylashtirishda jo‘natuvchi oluvchining telefon raqamini ko‘rsatishi lozim;
2. Oluvchi “Korona (6+)” mobil ilovasida ko‘rsatilgan raqam bilan ro‘yxatdan o‘tgan bo‘lishi lozim. Shunda u o‘z nomiga kelgan pulni ko‘ra oladi.
