Anqarada Rossiya va Ğarb örtasida mahbuslar almaşinuvi bölib ötdi
|05:35 / 02.08.202417 7498 min
Rossiya bir qança siyosiy mahbuslarni, josuslikda ayblanganlarni Ğarbga topşirdi. Evaziga, Ğarbdan josuslik, qotillik, hakerlik va boşqa jinoyatlarda ayblanganlarni oldi.
Turkiya Milliy razvedka taşkiloti (MIT) yetti davlatdan 26 nafar mahbusni almaşiş böyiça operatsiyada vositaçi böldi. Bu haqda TRT Haber telekanali xabar berdi.
Almaşinuvda Rossiya, Belarus, AQŞ, Germaniya, Polşa, Sloveniya va Norvegiya vakillari iştirok etgan.
Operatsiya doirasida Rossiyaga 10 kişi berildi (2 nafari voyaga yetmagan bola). Rossiya esa 13 kişini Germaniyaga, 3 kişini AQŞga topşirildi. Mahbuslar Turkiyaga samolyotlarda yetkazildi.
Rossiya kimlarni oldi?
Foto: AP
Vadim Krasikov - yollanma qotil, Rossiya Federal xavfsizlik xizmatining «Vimpel» bölimida xizmat qilgan, bir qator buyurtma qotilliklarning ijroçisi bölgan, jumladan 2007 yilda tadbirkor Aleksandr Kozlov, 2015 yilda tadbirkor Albert Nazranov, 2019 yilda Germaniyada çeçen qoçqinlari Zelimxon Xangoşvili va boşqalarni öldirgan. Krasikov Germaniyada hibsga olinib, uzoq muddatli qamoq jazosiga hukm qilingan edi.
Artyom Dulsev va Anna Dulseva, şuningdek, ularning ikki farzandi. Juftlik Sloveniyada yaşab, özlarini Argentina fuqarolari sifatida körsatişgan. Ular 2022 yil oxirida Lyublyanada Interpol tomonidan hibsga olingan. Ular Rossiya foydasiga josuslik qilganini tan olgan.
Pavel Rubsov – Rossiya Davlat razvedka boşqarmasi agenti. 2022 yil fevralda özini ispan jurnalisti Pablo Gonsales deb taniştirib, Polşada Rossiya foydasiga josuslik qilgan. Polşa tomonidan Ukraina çegarasida hibsga olingan.
Roman Seleznyov – haker, AQŞda kompyuter firibgarligi va şaxsiy ma’lumotlarni öğirlaganlikda ayblanib, 27 yilga ozodlikdan mahrum etilgan. Uning jazosi AQŞ tarixidagi kiberjinoyatlar uçun tayinlangan eng katta jazo edi.
Vladislav Klyuşin
Mavzuga oid
– biznesmen, 2023 yil 7 sentabrda AQŞ sudi uni insayder savdosida aybdor deb topib, 9 yilga ozodlikdan mahrum qilgan. U qimmatli qoğozlar bozorida maxfiy ma’lumotlardan moliyaviy foyda oliş uçun noqonuniy foydalaniş bilan boğliq sxemada iştirok etganlikda ayblangan.
Mixail Mikuşin – 2022 yil may oyida Norvegiya sudi tomonidan Rossiya foydasiga josuslikda ayblanib, hibsga olingan.
Vadim Konoşçenok - «Serniya» kontrabanda tarmoği iştirokçilaridan biri. Uşbu tarmoqqa kiruvçi kompaniyalar AQŞdan yuqori texnologiyali uskunalarni noqonuniy eksport qilib, Yevropa Ittifoqi davlatlari orqali Rossiya davlat kompaniyalariga yetkazib bergan. Konoşçenko 2022 yil noyabr oyida Narvada (Estoniya) öz maşinasida kontrabanda tovarlarini Rossiyaga olib ketayotgan vaqtda qölga olingan.
Rossiya kimlarni berdi?
Foto: X/POTUS
Vladimir Kara-Murza - 2023 yil aprel oyida Rossiya sudi uni 25 yilga ozodlikdan mahrum qildi. U armiya haqida «yolğon xabarlar» tarqatiş, nomaqbul taşkilot bilan hamkorlik qiliş va davlatga xiyonat qilişda ayblandi.
Ilya Yaşin - 2022 yil 9 dekabrda Moskva sudi uni Rossiya armiyasi haqida «soxta» ma’lumotlarni tarqatiş moddasi böyiça 8,5 yilga umumiy rejimli koloniyaga hukm qildi, bu öşa vaqtda uşbu modda böyiça eng oğir jazo bölgan.
Alsu Kurmaşeva - «Idel.Realii» (Ozodlik radiosi loyihasi) muharriri, Rossiya va AQŞ fuqarosi. Çexiyaning Praga şahrida yaşagan va işlagan. 2023 yil may oyida Kurmaşeva oilaviy sabablarga köra Rossiyaga borganida hibsga olingan. Tatariston Oliy sudi uni Rossiya armiyasi haqida «soxta xabarlar» tarqatgani uçun 6 yilu 6 oyga ozodlikdan mahrum qildi.
Evan Gerşkoviç - The Wall Street Journal jurnalisti, AQŞ fuqarosi. Rossiyada josuslikda ayblanib, 16 yilga ozodlikdan mahrum etildi. Gerşkoviç zamonaviy Rossiya tarixida şunday ayblovlar bilan hibsga olingan birinçi xorijiy jurnalist böldi.
Oleg Orlov - 70 yoşli inson huquqlari faoli, «Memorial» taşkiloti raisi. 2024 yil 27 fevralda Rossiya sudi Orlovni «natsizmni reabilitatsiya qiliş» moddasi böyiça 2,5 yilga ozodlikdan mahrum qildi.
Aleksandra Skoçilenko – rassom, 2023 yil 16 noyabrda Sankt-Peterburg sudi Aleksandrani Rossiya armiyasi haqida «soxta xabarlar» tarqatgani uçun 7 yilga ozodlikdan mahrum qildi.
Andrey Pivovarov - «Otkrytaya Rossiya» taşkilotining sobiq rahbari. Unga nisbatan nomaqbul taşkilot faoliyatini amalga oşiriş moddasi bilan jinoyat işi qözğatilgan. 2022 yil iyul oyida 4 yilga ozodlikdan mahrum etildi.
Kseniya Fadeyeva – Aleksey Navalniyning Tomskdagi ştab-kvartirasi sobiq rahbari. 2023 yil dekabr oyida öz mansab mavqeidan foydalangan holda ekstremistik jamiyat faoliyatini taşkil etiş, fuqarolarning şaxsi va huquqlarini poymol qiluvçi notijorat taşkilotda iştirok etişda ayblanib, 9 yilga ozodlikdan mahrum etilgan edi.
Liliya Çanişeva - Aleksey Navalniyning Ufa ştab-kvartirasi sobiq rahbari, 2021 yil noyabrida hibsga olingan. U ekstremistik jamiyat faoliyatini taşkil etişda ayblanib, 2023 yilda 7,5 yillik qamoq jazosiga hukm qilindi. 2024 yilda Boşqirdiston Oliy sudi jazoni 7,5 yildan 9,5 yilgaça kuçaytirdi.
Vadim Ostanin – Aleksey Navalniyning Barnaul ştab-kvartirasi sobiq rahbari. 2021 yil dekabr oyida hibsga olingan, unga nisbatan ekstremistik jamiyat va notijorat taşkilotda şaxsga tajovuz qiluvçi iştiroki uçun jinoiy iş oçilgan. 2023 yil iyul oyida 9 yilga umumiy tartibli koloniyaga hukm qilindi.
Riko Kriger - Germaniya Qizil Xoç jamiyatining sobiq xodimi, şifokor. 2023 yil oktyabr oyida Belarusda hibsga olingan. Unga oltita modda: öqotar qurolga nisbatan noqonuniy harakatlar, transport yoki aloqa vositalarini yaroqsiz holga keltiriş, ekstremistik guruh tuziş yoki ularda qatnaşiş, yaşirin faoliyat, yollanma harakat va terrorçilik akti böyiça ayblov qöyildi. Kriger sud tomonidan ölimga hukm qilindi. 2024 yil 30 iyulda Belarus prezidenti Aleksandr Lukaşenko Krigerni afv etdi.
German Moyjyes - huquqşunos, velosport harakati ideologi, Germaniya va Rossiya fuqarosi. U davlatga xiyonatda ayblanib, hibsga olingan.
Kevin Lik – 18 yoşli Germaniya fuqarosi, Rossiyada davlatga xiyonatda ayblangan birinçi maktab öquvçisi böldi. 2023 yil dekabrida 4 yilga umumiy tartibli koloniyaga hukm qilingan. Sud qarorida aytilişiça, u Maykopdagi harbiy qism joylaşgan hududni suratga olib, «xorijiy davlat vakili»ga elektron poçta orqali yuborgan.
Demuri (Diter) Voronin - Rossiya va Germaniya fuqarosi. 45 yoşli siyosatşunos. 2021 yil fevralida Rossiyaga borganida qölga olingan. Davlatga xiyonatda ayblangan jurnalist Ivan Safronovdan ma’lumot olganlikda, keyin uni xorijiy razvedka xizmatlariga sotganlikda ayblangan. 2023 yil mart oyida Moskva sudi uni davlatga xiyonatda aybdor deb topdi va 13 yilu 3 oyga qattiq tartibli koloniyaga hukm qildi.
Patrik Şyobel - Germaniya fuqarosi. 2024 yil yanvar oyida Sankt-Peterburg aeroportida 6 ta konfet tufayli hibsga olindi. Ekspertlar konfetlar tarkibida marixuana borligini aniqladi. Şyobel vatanida bunday konfetlar qonuniy ravişda sotilişi, Rossiyada bunday giyohvand moddalarga taqiq qöyilgani haqida bilmagani va uzoq parvozlar oldidan foydalaniş uçun konfetlarni bir yil avval sotib olganini aytdi. U sud jarayoni tugaşini kutayotgandi.
Pol Uilan - amerikalik harbiy xizmatçi (sobiq dengiz piyodasi), 2018 yilda Rossiyaga borganida hibsga olindi. 2020 yil iyun oyida Rossiyaga qarşi josuslikda aybdor deb topilib, 16 yilga qattiq tartibli koloniyaga hukm qilindi. U aybini tan olmadi.
