«Afsuski, YeIda qöllab-quvvatlaş masalasida (Ukrainani) yakdillik yöq, çunki bir davlat Braziliya-Xitoy taşabbusini oçiq qöllab-quvvatlaşga qaror qildi», deb yozdi Yevropa Ittifoqining taşqi işlar va xavfsizlik siyosati böyiça oliy vakili Jozep Borrel 30 sentabr, duşanba kuni öz blogida 24 sentabr kuni BMT Xavfsizlik kengaşida Ukrainadagi uruş muhokamasiga izoh berib.
Şu bilan birga, Borrel öşa uçraşuvda özi ham Ukrainani «omon qoliş uçun kuraşida» töliq qöllab-quvvatlaşini, şuningdek, mamlakat prezidenti Volodimir Zelenskiyning takliflarini qöllab-quvvatlaşini bildirganini ta’kidladi.
Kiyev Bernni XXR «tinçlik taşabbusini» qöllab-quvvatlagani uçun tanqid qildi
Kiyev Xitoy va Braziliyaning Ukraina uçun «tinçlik taşabbusi»ni tanqid qildi va Şveytsariyani uşbu hujjatni qöllab-quvvatlagani uçun qoraladi. «Birlaşgan Millatlar Taşkiloti Nizomiga aniq havola bölmagan va Ukrainaning hududiy yaxlitligini töliq tiklaşni kafolatlamaydigan har qanday taşabbuslar qabul qilinişi mumkin emas, bu kabi «tinçlik taşabbuslari» faqat muloqot illyuziyasini keltirib çiqaradi, tajovuzkor özining jinoiy harakatlarini davom ettiradi», deyiladi Ukraina TIV 28 sentabr kuni e’lon qilgan izohida.
Hujjatda aytilişiça, Kiyev Ukraina prezidenti Volodimir Zelenskiy tomonidan taklif qilingan «tinçlik formulasi»ni «umumiy, adolatli va barqaror tinçlikka erişişning yagona yöli» deb biladi. «Ukraina uçun tinçlikka erişiş yöllarini muhokama qiliş uçun qöşimça format va platformalar yaratişga hojat yöq. Tinçlik formulasi barça ğoyalarni muhokama qiliş, turli qaraşlar va tuşunçalarni birlaştiriş uçun töliq vositalar va mos platformalarni taqdim etadi», — deya ta’kidlaydi Ukraina TIV.
Press-relizda aytilişiça, Ukraina nuqtayi nazaridan, barça tinçlik muhokamalari BMT Nizomiga asoslangan «Ukrainasiz Ukraina haqida heç narsa» tamoyilini hisobga olişi va xalqaro miqyosda Ukrainaning suvereniteti va hududiy yaxlitligini hurmat qilişni öz içiga olişi kerak.
