Qoʻshimcha funksionallar
-
Tungi ko‘rinish
O‘zbekistonda Global ekologik fond donorlari yig‘ilishi o‘tkazilishi mumkin
O‘zbekiston prezidenti Global ekologik fond bilan hamkorlikni mustahkamlash muhimligini ta’kidladi.
Foto: Prezident matbuot xizmati
Boku shahrida o‘tkazilayotgan COP29 tadbirlari doirasida O‘zbekiston prezidenti Shavkat Mirziyoyev Global ekologik fond (GEF) bosh direktori va raisi Karlos Rodriges bilan uchrashuv o‘tkazdi.
Uchrashuvda jamg‘arma bilan O‘zbekistonda iqlim barqarorligi va ekotizimlarni muhofaza qilish borasidagi amaliy hamkorlikni kengaytirishning dolzarb masalalari muhokama qilindi.
GEFning mamlakatda bioxilmaxillikni asrash, tabiiy resurslarni boshqarish, iqlim o‘zgarishiga moslashish loyihalarini amalga oshirishdagi muhim hissasi qayd etildi. Qo‘shma loyihalar portfeli 100 million dollardan oshgan.
Havo sifatini monitoring qilish bo‘yicha mintaqaviy tarmoq yaratish, ko‘kalamzorlashtirish va ekoturizmni rivojlantirish dasturlarini amalga oshirish, yo‘qolib borayotgan hayvon turlarini asrash, shuningdek, Orolbo‘yi hududini qayta tiklash masalalariga alohida e’tibor qaratildi.
Kelgusi yilda O‘zbekistonda yirik xalqaro tadbirlar, jumladan, Global ekologik fond donorlari yig‘ilishini o‘tkazish yuzasidan ham fikr almashildi.
Mavzuga oid
14:37 / 13.11.2024
Shavkat Mirziyoyev Bokuda Ilhom Aliyev bilan uchrashdi
13:50 / 13.11.2024
O‘zbekiston, Ozarboyjon va Qozog‘iston rahbarlari "yashil” energiyani uzatish loyihasiga start berdi
20:47 / 12.11.2024
“Falastinlik bolalar va ayollarni beg‘araz davolashga tayyormiz” - Shavkat Mirziyoyev
20:26 / 12.11.2024