Özbekiston huquq-tartibot idoralari Bislan Rasayev va Şamil Temirxanov ismli Rossiya fuqarolarini Interpol orqali xalqaro qidiruvga berdi. Ular haqidagi ma’lumot Interpol saytiga joylangan.
Lenta.ru'ning yozişiça, bu ikki şaxs çeçenistonlik bölib, ular Özbekiston prezidenti administratsiyasining sobiq mulozimi Komil Allamjonovga suiqasd işiga aloqadorlikda gumonlanmoqda.
Rasayev va Temirxanovga, şuningdek, Istiqbolli loyihalar agentligi direktori Dmitriy Li hayotiga ham suiqasd qiliş buyurtmasi berilgani, bu ikki qotillik uçun buyurtmaçi tomonidan ularga 1,5 mln dollar mukofot va’da qilingani aytilmoqda.
Interpol saytidagi ma’lumotlarga köra, 36 yoşli Bislan Rasayev va 31 yoşli Şamil Temirxanovga Özbekiston Jinoyat kodeksining 241-moddasi (Jinoyat haqida xabar bermaslik yoki uni yaşiriş), 246-moddasi (Kontrabanda) va 248-moddasi (Öqotar qurolning, öq-dorilarning, öqotar qurol asosiy qismlarining, portlovçi moddalarning, portlatiş vositalarining yoki portlatiş qurilmalarining qonunga xilof muomalasi) bilan ayblov e’lon qilingan.
Ötgan oyda Çeçeniston rahbari Ramzan Qodirov Özbekistondagi suiqasd işida “çeçen izi” borligi haqida xorij matbuoti tarqatgan xabarlarni rad etgandi.
Komil Allamjonovga suiqasd
2024 yil 30 sentabrgaça Özbekiston prezidenti administratsiyasida Axborot siyosati departamentini boşqarib kelgan Komil Allamjonov 26 oktyabr kuni Qibraydagi öz uyi yaqinida hujumga uçradi: u ötirgan maşinaga bir neça bor öq uzilgan. Hodisada Allamjonovning öziga şikast yetmagan.
Boş prokuratura sönggi marta 25 noyabr kuni bergan bayonotida jinoyatga aloqadorlikda gumonlanib 7 kişi uşlanganini ma’lum qilgan, ulardan faqat bir nafarining şaxsini oçiqlagan: bu – Janubiy Koreyadan ekstraditsiya qilingan Javlon Yunusov. Bayonotda yana bir gumondor Qozoğistonda qölga olingani ma’lum qilingandi.









