Prezident administratsiyasi rahbarining shartnoma asosidagi maslahatchisi Komil Allamjonov prezident farmoni bilan “Doʻstlik” ordeni bilan taqdirlandi.
Maʼlumki, soʻnggi vaqtlarda Allamjonov Oʻzbekiston–AQSH munosabatlarini yangi bosqichga olib chiqishga katta hissa qoʻshib kelmoqda.
U 2025-yil iyun oyidan buyon Prezident administratsiyasi rahbarining shartnoma asosidagi maslahatchisi, shu bilan bir vaqtda oʻtgan yil noyabrdan buyon Administratsiyaning AQShdagi vakili lavozimlarida ishlab kelyapti.
Ushbu davrda rasmiy Toshkent va Vashington oʻrtasidagi hamkorlik aloqalari sezilarli faollashdi. Ikki davlat prezidentlari oxirgi bir yil ichida toʻrt marta yuzma-yuz uchrashdi, bir necha marotaba telefon orqali muloqotlar boʻlib oʻtdi.
AQSH–Oʻzbekiston ishbilarmonlik va investitsiya kengashi tashkil etilib, iqtisodiy hamkorlikning institutsional asosi mustahkamlandi. Oʻtgan yili bir necha bor Vashingtonda, joriy yilda esa Toshkent xalqaro investitsiya forumi doirasida prezident Shavkat Mirziyoyevning AQSH yetakchi kompaniyalari delegatsiyalari bilan uchrashuvlari tashkil etildi.
AQSH sarmoyadorlari Oʻzbekistonga faol
