Myunxen konferensiyasi yakunlariga köra, Volodimir Zelenskiy Donald Tramp ma’muriyati tomonidan ilgari surilgan AQŞning harbiy yordam evaziga Ukraina tabiiy resurslaridan foydalaniş talabiga baribir rozi bölmadi.
Ukraina prezidenti jurnalistlarga AQŞning taklifini rad etgani, çunki «hali tayyor emasligi»ni aytdi. Zelenskiyning sözlariga köra, kelişuv Ukraina uçun xavfsizlik kafolatlarini öz içiga olmaydi, bu esa Kiyevga Vaşington bilan har qanday kelişuvda eng zaruridir.
The Washington Post naşri bir neça manbalarga tayanib yozişiça, Ukraina rasmiylari Vaşingtonga tabiiy resurslardan sezilarli darajada foydalaniş imkoniyatini beradigan, şu bilan birga AQŞ tomonidan xavfsizlik kafolatlarini ham kuçaytiradigan ikkinçi taklifni işlab çiqmoqda.
Qöşma Ştatlar Ukrainaning barça foydali qazilmalari zaxiralarining yarmini olişi töğrisidagi kelişuv loyihasi 12 fevral kuni, Kiyevda AQŞ moliya vaziri Skott Bessent bilan uçraşişdan atigi tört soat oldin Volodimir Zelenskiyga topşirilgan. Öşanda Tramp ma’muriyati vakili Ukraina prezidenti şartnomani darhol imzolaşini talab qilgan — Zelenskiy muloyimlik bilan rad etgan, deb yozadi The Washington Post.
Hujjat muhokamasi Myunxenda Zelenskiyning AQŞ vitse-prezidenti Jyey Di Vens va davlat kotibi Marko Rubio bilan muzokaralarida davom etdi. Yakunda Ukraina delegatsiyasi Tramp ma’muriyatiga bitimning taklif qilingan variantini qonuniy ravişda imzolay olmasligi, biroq muqobil variantlar haqida öylab körişda davom etayotganini bildirgan.
Ukrainaning yuqori martabali mulozimi anonimlik şarti bilan jurnalistlarga Kiyev Tramp ma’muriyatining talablari kölamidan hayratda qolganini aytdi. U vaziyatni XVIII asrda yevropaliklar tomonidan Afrika mustamlakalarining bölinişi bilan taqqosladi. The Washington Post suhbatdoşining sözlariga köra, bu Ukraina resurslarini özlaştiriş huquqini önlab yillar davomida investorlar ularni çindan ham özlaştirişiga kafolatsiz berilişiga olib kelişi mumkin.
Fevral oyi boşida Tramp Ukrainadan 500 milliard dollarga teng qiymatdagi nodir metallarni olmoqçi ekanini aytgandi. Bu 17 ta muayyan kimyoviy elementni öz içiga oladi. Biroq, naşrning boşqa bir kiyevlik suhbatdoşining sözlariga köra, aslida AQŞ kamyob metallar va litiy, grafit va uran kabi muhim qazilma boyliklarni öz içiga olgan kengroq resurslarni nazorat qilişni talab qilmoqda. Ukrainaning içki hisob-kitoblariga köra, mamlakatdagi noyob metallarning umumiy qiymati beş trillion dollarga yetişi mumkin. Tramp nazorat qilmoqçi bölgan Ukraina resurslarining aniq röyxati noma’lum.
