O‘zbekiston Surinam bilan diplomatik munosabatlar o‘rnatdi. Bu haqda O‘zbekiston Tashqi ishlar vazirligi xabar berdi.
Qayd qilinishicha, Nyu-York shahrida ikki mamlakatning Birlashgan Millatlar Tashkilotidagi doimiy vakillari tegishli kommyunikeni imzoladi.
Surinam — Janubiy Amerikada joylashgan va O‘zbekiston bilan diplomatik munosabat o‘rnatgan 158-davlat bo‘ldi.
