Kuniga atigi uç daqiqa jismoniy faollik keksalarda yurak-qon tomir kasalliklari va vafot etiş xavfini kamaytiradi. Sidney universiteti olimlari şunday xulosaga keldi.
Qayd etilişiça, avvalgi tadqiqotlar şuni körsatganki, hatto maxsus maşğulotlarsiz ham odamlar soğliğini yaxşilaşi mumkin, agar ular muntazam ravişda «murakkab» kundalik harakatlarni bajarsa. Bunga uy tozalaş, dökonga borib-keliş yoki boğda işlaş kabi faoliyatlar kiradi. Olimlar bunday harakatlarni «tasodifiy» jismoniy faollik deb ataydi.
Yangi iş doirasida tadqiqotçilar taxminan 62 yoş atrofidagi 24 mingdan ortiq odamning ma’lumotlarini tahlil qilgan. Ma’lumotlar Buyuk Britaniya Biobankidan — inson biologik namunalarining yirik omboridan olingan.
Tadqiqot iştirokçilarining barçasi öz jismoniy faollik darajasini past deb baholagan. Haqiqiy faollik darajasini aniqlaş uçun ular yetti kun davomida bilagiga harakatni ölçaydigan akselerometr qurilmasini taqib yurgan.
Natijada, kuniga heç bölmaganda örtaça uç daqiqa faollik bilan şuğullanganlarda infarkt, insult va boşqa yurak-qon tomir kasalliklari xavfi sezilarli darajada kamaygani aniqlangan. Şuningdek, kunlik harakatlar davomiyligi va intensivligi oşgani sayin soğliq yanada yaxşilangani kuzatilgan. Tadqiqotda ayollar erkaklarga qaraganda tasodifiy jismoniy faollik bilan köproq şuğullanişlari ham ma’lum bölgan.
Olimlar kundalik harakatlarning ahamiyatiga past baho bermaslikka çaqiradi: ovqat tayyorlaş, uy tozalaş, boğda işlaş kabi odatiy faoliyatlar yoş ötgan sari yurak kasalliklarining oldini olişda muhim rol öynaşi mumkin.
