Bloger Farhod Mannopovning ölimiga olib kelgan operatsiyani amalga oşirgan şifokor sudda oqlandi

Sudda qöşimça guvoh sifatida söralgan Mudofaa vazirligi MHKG otolaringologiya bölimi boşliği – boş otolaringolog uning iş faoliyatida operatsiya jarayonida bemorning tana harorati 40 yoki 43 darajaga çiqqan holat biror marta bölmaganini ma’lum qilgan.

“Bu LOR şifokor tomonidan yöl qöyilgan nuqson deya olmayman. Sababi bizga taqdim qilingan hujjatlar töliq bölmagan. Bemor LORning aybi bilan ölgan deb hisoblamayman. Fikrimça, aynan rinoplastika vaqtida LOR şifokorining aybi bilan bemorning tana harorati kötarilib ketişi amaliyotda uçramagan. Qanaqadir taşqi ta’sirda anafilaktik şok bölişi moyilroq. Anafilaktik şok organizmga taşqaridan tuşgan yot narsaga organizmning kuçli reaksiyasi hisoblanadi. Yot narsa dori moddalari bölgan bölişi ham mumkin. Lekin aynan qaysidir dorini ajratib aytolmayman”, degan u.

Yana bir qöşimça guvoh – Özbekiston Respublikasi Qurolli kuçlari Sud-tibbiy ekspertiza markazi sud-tibbiy ekspertiza bölinmasi davlat sud-eksperti şifokorlar tomonidan ötkazilgan harakatlarda xato-kamçiliklar aniqlamaganini ma’lum qilgan.

“Apellyatsiya instansiyasida taqdim qilingan qöşimça hujjatlar asosida ölim sababi aniqlandi. Ya’ni taqdim etilgan tibbiy hujjatlar, kasallik tarixi, birlamçi va komission sud-tibbiy ekspertizalar, mutaxassislar bergan ma’lumotlar, jinoyat işi materiallari va ma’lumotlarga köra Farhod Mannopovning ölimi sababi – jarrohlik amaliyoti jarayonida dori vositasiga medikamentoz allergik reaksiya natijasida rivojlangan anafilaktik şok bölgan. Bu klinik holatda marhumning burun şilliq qavatlariga inʼeksiya orqali yuborilgan novokain mahalliy anestetik dori vositasi etiologik omil sifatida iştirok etgani ehtimoldan xoli emas.

Novokain eng köp allergiya beradigan dori vositasiga kiradi. Tibbiy hujjatlar örganilganda Farhod Mannopovda allergik kasallik mavjud deb körsatilgan. Lekin taqdim etilgan hujjatlarda bemor özida allergik reaksiyalarni inkor qilgani tasdiqlangan. Novokaindan taşqari boşqa olgan dori vositalarda ham allergiya bölişi mumkin. Lekin novokain tarkibida allergiya keltirib çiqariş foizi köproq”, degan ekspert.

U ekspert sifatida LOR vraçning biror bir xatosini topa olmaganini aytib ötgan.

Sudda qöşimça guvoh tariqasida söralgan Ixtisoslaştirilgan allergologiya ilmiy amaliy markazi şifokor allergologi ham ölim sababini dori vositasiga allergik reaksiya oqibatida rivojlangan anafilaktik şok deb belgilaganini ma’lum qilgan.

Apellyatsiya sudi

Apellyatsiya instansiyasi birinçi instansiya sudi LOR şifokorni ayblaşda ayrim örinlarda taxminiy va asoslantirmagan xulosaga kelgan, deb hisoblagan.

Jumladan, sudlov hay’ati tergov va sudning LOR şifokori Farhod Mannopovni zudlik bilan jarrohlik amaliyotini tezlaştirişga köndirgani haqidagi taxmin bilan kelişmagan.

“Çunki jinoyat işi hujjatlarida şifokor bemorni zudlik bilan jarrohlik amaliyotini tezlaştirişga köndirgan holati mavjud emas. Şifokorda bunga ehtiyoj yoki manfaat bölmagan. Aksinça, işda aniqlangan holatga köra, Farhod Mannopov burun sohasidagi jarrohlik amaliyotini tezroq ötkazişni aynan özi söragan va buning uçun çet elga uçiş maqsadida olingan aviaçiptani ham topşirgan. Farhod Mannopov va uning şerigi LOR şifokorni reklama qiliş şarti bilan 4 400 dollarlik rinoseptoplastika jarrohlik amaliyotini bepul ötkazişga kelişgan” deya keltiriladi sud hukmida.

Qayd etilişiça, Soğliqni saqlaş vazirligi tomonidan ötkazilgan 2023 yil 16 martdagi va 2023 yil 15 maydagi xizmat tekşiruvida şifokor bemorga nisbatan burun sohasini davolaş va jarrohlik amaliyotini ötkaziş jarayonida ölimga olib kelişiga sabab böladigan xatoliklarga yöl qöygani aniqlanmagan.

Bundan taşqari, sud hujjatida bemorning anesteziya va intensiv terapiya paytidagi funksional holatini monitoring qilib borişga anesteziolog-reanimatolog şifokor mas’ulligi, LOR şifokorning uşbu holatlarga aloqasi hamda aralaşişga vakolati yöqligi keltirib ötilgan.

Sudda qöşimça guvoh tariqasida söroq qilingan Ixtisoslaştirilgan otorinolaringologiya va boş-böyin kasalliklari ilmiy-amaliy tibbiyot markazi direktori örinbosari ham operatsiya qilinayotgan jarayonda bemorning umumiy holatiga anesteziolog javobgar bölişini, LOR şifokor esa bevosita xirurgiyaga taalluqli qismiga javobgar hisoblanişini aytib ötgan.

Şu va boşqa asoslardan kelib çiqib, Toşkent şahar sudi jinoyat işlari böyiça sudlov hay’ati apellyatsiya instansiyasi hukmi bilan dastlabki sud hukmining LOR şifokorga oid qismi bekor qilingan. U qilmişida jinoyat alomatlari bölmagani sabab aybsiz deb topilib oqlangan hamda jinoyat işining unga oid qismi tugatilgan.

Nima bölgandi?

“Mittivine” taxallusi bilan tanilgan bloger Farhod Mannopov 2023 yil 5 mart kuni 27 yoşida vafot etgan edi. U basseynda suzayotib boşi va burnidan jarohat olgan, şu sabab burnini operatsiya qildiriş maqsadida Toşkentdagi “Star Med Center” xususiy klinikasiga murojaat qilgan, ammo operatsiya jarayonida koma holatiga tuşib, öziga kelmagan.

Jinoyat işi 2023 yil sentabr oyida sudga oşirilgan edi. 2023 yil oktyabrida marhumning yaqinlari iltimosi bilan sud jarayonning OAVda yoritilişini taqiqlagandi.